دلّیمیں گزشتہ 24 گھنٹوں کے دوران اتوار کی شام تک کورونا وائرس (کووڈ 19) وبا کے 94 نئے معاملے سامنے آنے کے بعد متاثرہ افراد کی تعداد بڑھ کر 1434554 ہوگئی ، اس دوران 111 مزید مریضوں نے وبا کو شکست دی۔ اس دوران کورونا کے سرگرم معاملات کی تعداد ایک ہزار سے بھی کم ہو گئی ہے۔محکمہ صحت کی طرف سے جاری بلیٹن کے مطابق دارالحکومت میں انفیکشن کی شرح 0.13 فیصد پر برقرار ہے جبکہ فعال کیسوں کی تعداد 992 ہوگئی ہے۔ اس دوران 111 مزید مریضوں کی شفایابی کے بعد ، کورونا سے نجات پانے والے لوگوں کی کل تعداد 1408567 ہوگئی ہے۔دہلی میں کورونا انفیکشن کی وجہ سے مزید سات مریضوں کی موت کے ساتھ ، اموات کی تعداد بڑھ کر 24995 ہوگئی۔ دارالحکومت میں اموات کی شرح 1.74 فیصد پر برقرار ہے۔ اموات کے معاملے میں دہلی ملک بھر میں چوتھے نمبر پر ہے۔ دہلی میں پچھلے 24 گھنٹوں کے دوران 75133 نمونوں کی جانچ کی گئی ، جس میں 52856 آر ٹی پی سی نمونے اور 22277 ریپڈ انٹیجن کے نمونے شامل ہیں۔دارالحکومت میں گذشتہ 24 گھنٹوں کے دوران 161110 افراد کو کورونا کے ٹیکے لگائے گئے ، ان میں سے 121222 نے کورونا کی پہلی خوراک لی اور 39888 نے دوسری خوراک لی۔ دارالحکومت میں ہوم آئسولیشن میں رہنے والے لوگوں کی تعداد اب صرف 300 ہے۔ اب دارالحکومت میں کورونا کنٹینمنٹ کی تعداد گھٹ کر 701 رہ گئی ہے۔
