بنتلاب پل گرنے سے تین مزدوروں کی موت پر وزیر اعلیٰ کا اظہارِ افسوس ۔ انکوائری کا حکم دیا

سرینگر//وزیر اعلیٰ مسٹر عمر عبداللہ نے جموں شہر کے مضافات میں بنتلاب میں پُل گرنے کے واقعہ میں تین مزدوروں کے المناک نقصان پر گہرے دُکھ کا اظہار کیا ہے ۔ اپنے تعزیتی پیغام میں وزیر اعلیٰ نے سوگوار خاندانوں سے دلی ہمدردی کا اظہار کیا اور مرحوم کی روح کیلئے ابدی سکون کیلئے دعا کی ۔ انہوں نے واقعے میں زخمی ہونے والوں کی جلد صحت یابی کی بھی دعا کی ۔ وزیر اعلیٰ نے ہدایت دی ہے کہ پُل گرنے کی وجوہات کا پتہ لگانے کیلئے مکمل انکوائری کی جائے اور کقتاہی کی ذمہ داری کا تعین کیا جائے ۔ اطلاعات کے مطابق بنتلاب کے علاقے میں کل ایک چھوٹے پُل کا ایک حصہ منہدم ہو گیا جس سے مزدور ملبے تلے دب گئے ۔ یہ واقعہ اس وقت پیش آیا جب مزدور پُل کے قریب ایک ریٹیننگ وال کی مرمت کا کام کر رہے تھے ۔