صنعاء ؍ ریاض//ایجنسیز// سعودی عرب نے ’’ سعودی پروگرام برائے ترقی و تعمیرِ یمن ‘‘ کے ذریعہ انسان کی تعمیر اور استحکام و خوشحالی کے حصول میں تعلیم کے بنیادی کردار کے پیشِ نظر یمن کے 11 اضلاع میں تعلیمی شعبے کی حمایت کیلئے تقریباً 60 ترقیاتی منصوبے اور اقدامات پیش کیے ہیں۔یہ منصوبے مختلف تعلیمی راستوں کیلئے ایک جامع اور مربوط حمایت تشکیل دیتے ہیں جن میں مثالی اسکولوں کا قیام، یونیورسٹیوں کی تعلیمی و تحقیقی صلاحیتوں کی ترقی، فنی و پیشہ ورانہ تعلیم کا فروغ اور اعلٰی ترین پیشہ ورانہ معیار کے مطابق تعلیمی عملے کی تربیت شامل ہے۔یہ منصوبے تعز، عدن، سقطری، المہرہ، میرب، حضرموت، حجّہ، لحج، ابین، شبوہ، اور الضالع کے اضلاع میں تقسیم کیے گئے تھے۔ ان میں عام تعلیم، اعلیٰ تعلیم اور فنی و پیشہ ورانہ تربیت شامل تھی تاکہ ایک ایسے جامع اور پائیدار تعلیم کے حصول میں حصہ ڈالا جا سکے جو افراد اور مقامی برادریوں کی زندگی پر مثبت اثر چھوڑے اور یمن میں جامع ترقی کو فروغ دے۔عام تعلیم کی سطح پر پروگرام نے یمن کے متعدد اضلاع میں 40 سے زیادہ مثالی سکول قائم کیے اور انہیں سامان سے لیس کیا۔ ان سکولوں کی خصوصیت ایک مربوط تعلیمی ماحول ہے جس میں کیمسٹری اور کمپیوٹر کی جدید لیبارٹریز اور کلاس رومز شامل ہیں جس سے تعلیم کا معیار بہتر ہوتا ہے۔
، طلباء اور طالبات کی صلاحیتیں پروان چڑھتی ہیں اور انہیں ایک محفوظ اور پرکشش ماحول میں جدت طرازی اور فعال سیکھنے کی ترغیب ملتی ہے۔اعلیٰ تعلیم کے شعبہ میں پروگرام نے ایسے معیاری منصوبے مکمل کیے جنہوں نے یونیورسٹیوں کے بنیادی ڈھانچے کو بہتر بنانے اور ان کے تعلیمی و تحقیقی ماحول کو بہتر بنانے میں حصہ ڈالا۔ ان میں عدن یونیورسٹی کی فارمیسی فیکلٹی میں کیمسٹری، بائیوٹیکنالوجی اور فارماکولوجی جیسے مختلف شعبوں میں 28 جدید لیبارٹریز کا قیام شامل ہے۔ اس کے ساتھ ساتھ لا فیکلٹی میں ایک جدید فورنزک ریسرچ لیبارٹری کا قیام بھی شامل ہے جو یمن کی سطح پر اپنی نوعیت کی پہلی لیبارٹری شمار ہوتی ہے۔
