چیف سیکرٹری کی لطیف احمد کے اِنتقال پر اِظہارِ تعزیت

سری نگر/ /چیف سیکرٹری اَتل ڈولو نے اَپنے دفتر میں خدمات انجام دینے والے آرڈرلی لطیف احمد کے اِنتقال پر گہرے دُکھ کا اِظہا رکیا۔چیف سیکرٹری نے اَپنے ایک تعزیتی پیغام میں لطیف احمد کو ایک نہایت مخلص اور فرض شناس ملازم قرار دیا جنہوں نے اِنتہائی ایمانداری ، محنت اور لگن کے ساتھ اَپنے فرائض اَنجام دیئے۔ اُنہوں نے کہا کہ لطیف احمد کا اِنتقال سیکرٹریٹ کمیونٹی کے لئے ایک ذاتی نقصان ہے۔ چیف سیکرٹری نے مرحوم کے اہلِ خانہ سے دِلی ہمدردی او ریکجہتی کا اظہار کرتے ہوئے صبر و تحمل اور مرحوم کی روح کے دائمی سکون کے لئے دعاکی۔چیف سیکرٹری آفس کے اَفسران اور عملے نے بھی لطیف احمد کے اِنتقال پر گہرے دُکھ کا اِظہار کیا ۔اُنہوں نے دُکھ کی اس گھڑی میں اُن کے اہل خانہ سے ہمدردی اور یکجہتی کااظہارکرتے ہوئے مرحوم کی روح کے اَبدی سکون کے لئے دعا کی۔