یونیورسٹی کے تعلیمی اور تحقیقی اقدامات کی تعریف کی
اونتی پورہ//چیف سیکرٹری مسٹر اتل ڈولو نے جمعرات کو اسلامک یونیورسٹی آف سائنس اینڈ ٹیکنالوجی ( آئی یو ایس ٹی ) کا دورہ کیا اور پالیسی ریسرچ ، گورننس اختراعات اور ادارہ جاتی تعاون کو مضبوط بنانے کے سلسلے میںسنٹر فار گُڈ گورننس اینڈ پالیسی اینا لیسس ( سی جی جی اینڈ پی اے ) کا افتتاح کیا ۔ دورے کے دوران چیف سیکرٹری نے یونیورسٹی کے کیمپس I اور کیمپس III کا دورہ کیا اور مختلف لیبارٹریوں اور تعلیمی سہولیات کا معائنہ کیا ۔ انہوں نے افسران اور فیکلٹی ممبران سے بھی بات چیت کی ۔ مسٹر اتل ڈولو نے یونیورسٹی کی ترقی اور تعلیمی ترقی میں فیکلٹی اور عملے کی کوششوں کو سراہا ۔ انہوں نے یونیورسٹی کے تحقیقی اقدامات کو بھی سراہا ۔ وائس چانسلر آئی یو ایس ٹی پروفیسر شکیل اے رومشو اور ان کی ٹیم کو آئی یو ایس ٹی کی کامیابیوں پر مبارکباد دیتے ہوئے انہوں نے اس یقین کا اظہار کیا کہ سینٹر فار گُڈ گورننس اینڈ پالیسی اینا لیسس پالیسی ریسرچ اور ادارہ جاتی ترقی میں یونیورسٹی کے تعاون کو مزید تقویت دے گا ۔اس موقع پر خطاب کرتے ہوئے پروفیسر شکیل اے رومشو نے یونیورسٹی کی کامیابیوں پر روشنی ڈالی اور تعلیمی فضیلت ، اختراعات اور عوامی مشغولیت کیلئے اس کے وژن کا خاکہ پیش کیا ۔ قبل ازیں پروفیسر جی این ایتو نے معززین کا خیر مقدم کرتے ہوئے کہا کہ مرکز ثبوت پر مبنی پالیسی سازی ، بین الضابطہ تحقیق ، تعلیمی اداروں ، حکومتی اداروں اور معاشرے کے درمیان بامعنی تعاون کو فروغ دینے کیلئے ایک اہم پلیٹ فارم کے طور پر کام کرے گا ۔ پروگرام کا اختتام رجسٹرار آئی یو ایس ٹی پروفیسر شمیم احمد شاہ کے شکریہ کے رسمی ووٹ کے ساتھ ہوا جنہوں نے چیف سیکرٹری کے دورے اور گورننس ، پالیسی جدت اور ادارہ جاتی ترقی کے بارے میں قابل قدر بصیرت کیلئے شکریہ ادا کیا ۔
