وزیر اعلیٰ کی دسہرہ کے موقع پر عوام کو مبارکباد

سرینگر//وزیر اعلیٰ عمر عبداللہ نے دسہرہ کے پرمسرت موقع پر جموں و کشمیر کے عوام کو گرمجوشی سے مبارکباد پیش کی ۔ اپنے پیغام میں جو اس تہوار کی شام کو جاری کیا گیا ، وزیر اعلیٰ نے کہا کہ دسہرہ لوگوں کو ہر حال میں سچائی ، دیانتداری اور انصاف کے اقدار کو برقرار رکھنے کی ترغیب دیتا ہے ۔ انہوں نے کہا کہ یہ تہوار اخلاقی جرات اور ہم آہنگی کا ایک لازوال پیغام دیتا ہے جو ایک بہتر معاشرے کی تعمیر کیلئے نہایت اہم ہے ۔ مسٹر عمر عبداللہ نے جموں و کشمیر کے عوام کیلئے اس موقع پر خوشی ، امن اور ترقی کی خواہش ظاہر کی ۔