ممبئی میں وقف بورڈ کے نئے علاقائی دفتر کا افتتاح

ممبئی : مہاراشٹر کے ریاستی بورڈ کے علاقائ دفتر کا افتتاح یہاں وزیراعلی ایکناتھ شندئے کے ہاتھوں ممبئی میں عمل میں آیا- اس موقع پر نائب وزیر اعلیٰ دیویندر فڈنویس اقلیتی امور وزیر عبدالستار شیخ مسلم اراکین پارلیمنٹ فوزیہ خان ،امتیاز جلیل ،مسلم اراکین اسمبلی ابو عاصم اعظمی امین پٹیل ،فاروق شاہ ،رئیس شیخ وقف بورڈ کے ارکین ذمہ داران اور دیگر موجود تھے ۔قلب شہر میں واقع نریمان پوائنٹ علاقے کے فری پریس جرنل مارگ پر واقع کثیر منزلہ عمارت فری پریس ٹاور میں کارپوریٹ طرز پر بنائے گئے اس دفتر کو جدید سہولتوں آراستہ کیا گیا ہے ۔افتتاحی تقریب کے بعد وقف بورڈ کے چیئرمین اور رکن قانون ساز کاؤنسل ڈاکٹر وجاہت مرزا نے کہا کہ ایک طویل عرصے سے وقف بورڑ کے علاقائ دفتر کو ممبئ کھولے جانے کا مطالبہ کیا جارہا تھا نیز آج یہ دفتر ممبئ میں شروع ہوگیا ہے جس سے وقف کے کاموں میں آسانی ہوگی کیونکہ ریاستی صدر دفتر منترالہہ بھی ممبئ میں موحود ہے ۔