جموں//لیفٹیننٹ گورنر کے مشیر راجیو رائے بھٹناگر نے ابھینو تھیٹر میں مشہور قبائلی رہنما برسا منڈا کی یوم پیدائش کے موقعہ پر ’’جنجاتیہ گورو دیوس‘‘ کی تقریبات سے خطاب کیا۔مشیر راجیو رائے بھٹناگر نے جموں و کشمیر کی مختلف قبائلی کمیونٹیوںکے ایک بڑے اِجتماع سے خطاب کرتے ہوئے کہا کہ اِس دِن کی تقریبات ملک کی آزادی کی جدوجہد اور ثقافتی خوشحالی میں ہندوستان کی قبائلی کمیونٹیوںکی خدمات کے لئے گہری پہچان اور احترام کی علامت ہے ۔ اُنہوں نے اِس بات پر روشنی ڈالی کہ یہ دِن بہادری اور مزاحمت کے اس جذبے کی عکاسی کرتا ہے جسے قبائلی کمیونٹیوںنے نوآبادیاتی حکمرانی کے خلاف اپنی لڑائی میں شامل کیا تھا۔اُنہوں نے کہاکہ’ جنجاتیہ گورو دیوس‘ کی تقریبات ’وِکست بھارت‘ یا ’ترقی یافتہ ہندوستان‘ کے وسیع تر موضوع کے ساتھ مطابقت رکھتی ہیں جو ملک کی ترقی اور منفرد ثقافتی تنوع میں قبائلی کمیونٹیوں کے اَٹوٹ کردار کو ظاہر کرتی ہے ۔ھیم کے ساتھ مطابقت رکھتی ہیں، جو ملک کی ترقی اور منفرد ثقافتی تنوع میں قبائلی برادریوں کے اٹوٹ کردار کو ظاہر کرتی ہے۔لیفٹیننٹ گورنر کے مشیر راجیو رائے بھٹناگر نے اس بات پر روشنی ڈالی کہ قبائلی کمیونٹیوں کا معاشرے کے ہر شعبے میںبالخصوص جاری ترقیاتی اور معاشی ترقی میں زبردست شراکت ہے۔اُنہوں نے حکومت کے کچھ اَقدامات پر روشنی ڈالتے ہوئے کہا کہ ایل جی کی قیادت والی موجودہ اِنتظامیہ نے قبائلی کمیونٹیوں کو بااِختیار بنانے کے لئے مختلف سکیمیں شروع کی ہیں اور قبائلی امور محکمہ قبائلی کمیونٹیوں کی فلاح و بہبود اور ترقی کو بڑھانے میں اہم کردار اَدا کر رہا ہے۔ اُنہوں نے کہاکہ نئے قبائلی ہوسٹل، قبائلی علاقوں میں سکولوں کو سمارٹ سکولوں میں تبدیل کرنااور موجودہ ہوسٹلوں کو جدید بنانے اور ایکلویہ ماڈل رہائشی سکول کچھ اہم اَقدامات ہیں جن کا مقصد قبائلی بچوں کو معیاری تعلیم میں اِضافہ کرنا ہے جس میں نہ صرف ماہرین تعلیم بلکہ مجموعی ترقی بھی شامل ہے۔اِس موقعہ پر مشیر موصوف نے تمام قبائلی کمیونٹیوں کے ممبران کو شاندار پرفارمنس کے ذریعے اَپنی منفرد ثقافت اور روایات کو پیش کرنے پر سراہا۔اُنہوں نے جموں و کشمیر کی مختلف قبائلی کمیونٹیوں کی روایات اور رسم و رواج کی نمائش کرنے والے سٹالوں کا بھی دورہ کیا۔یہ بات قابلِ ذِکر ہے کہ محکمہ قبائلی امور کی طرف سے ہفتہ بھر جاری رہنے والا’ جنجاتیہ گورو سپتاہ قبائلی ثقافت، روایات اور طرزِ زندگی کی بھرپور نمائش کے لئے ایک متحرک پلیٹ فارم کے طور پر کام کرتا ہے بالخصوص جموںوکشمیرکے گوجروں ، بکروالوں ، گڈیوں ،سیپی جیسے متنوع قبائل کو اُجاگر کرتا ہے ۔ یہ تقریبات نہ صرف ماضی کی عکاسی کرتی ہیں بلکہ آج کی ڈیجیٹل اور گلوبلائزڈ دُنیا میں قبائلی ورثے کو زندہ رکھنے کی شعوری کوشش ہے۔اِس دِن کو منانا ان کمیونٹیوں کے منفرد ثقافتی ورثے ، روایات اور اَقدار کو تسلیم کرنے اور ان کے تحفظ کے لئے حکومت کے عزم کو ظاہرکرتا ہے ۔
