رام نواس شرما نے جی ڈی سی رام بن کا دورہ کیا ، تعلیمی اور بنیادی ڈھانچے کی ترقی کا جائیزہ لیا

رام بن//کمشنر سیکرٹری تعلیم مسٹر رام نواس شرما نے گورنمنٹ ڈگری کالج ( جی ڈی سی ) رام بن کا دورہ کیا تا کہ تعلیمی سرگرمیوں ، بنیادی ڈھانچے کی ترقی اور قومی تعلیمی پالیسی ( این ای پی 2020 ) کا نفاذ کا جائیزہ لیا جا سکے ۔ پرنسپل جی ڈی سی رام بن نے فیکلٹی ممبراز اور طلبہ کے ہمراہ کمشنر سیکرٹری کا گرم جوشی سے استقبال کیا ۔ دورے کے دوران رام نواس شرما نے کلاس رومز ، لیبارٹریز ، لائیبریری ، آئی ٹی سہولیات اور کھیلوں کے بنیادی ڈھانچے کا معائنہ کیا ۔ انہوں نے طلبہ اور فیکلٹی سے بات چیت کی اور پیش کئے جانے والے کورسز ، داخلے کی صورتحال ، نتائج اور مہارت کی ترقی و کیرئیر کاؤنسلنگ کے تحت کئے گئے اقدامات کے بارے میں معلومات حاصل کیں ۔ فیکلٹی اور طلبہ سے خطاب کرتے ہوئے کمشنر سیکرٹری نے دور دراز اور پسماندہ علاقوں میں اعلیٰ تعلیم کے انفراسٹرکچر کو مضبوط بنانے کیلئے حکومت کے عزم پر زور دیا ۔ انہوں نے معیاری تعلیم ، این ای پی 2020 کے حرف و حرف اور روح کے مطابق نفاذ ، تحقیق ، جدت اور کاروباری صلاحیتوں کو فروغ دینے اور کالجوں کو اخلاقی رہنمائی اور کردار سازی کے مراکز بنانے پر زور دیا ۔ انہوں نے کالج انتظامیہ کو جاری تعمیراتی کاموں کو تیز کرنے ، مجموعی داخلہ تناسب ( جی ای آر ) بڑھانے ، وسائل کے بہترین استعمال کو یقینی بنانے اور نشہ مکت بھارت ابھیان ، کھیلوں اور ثقافتی سرگرمیوں کے تحت باقاعدہ سرگرمیاں منعقد کرنے کی ہدایت بھی دی ۔ کمشنر سیکرٹری نے گرین جے اینڈ کے مشن کے تحت کالج کے احاطے میں ایک پودا لگایا اور کالج کی صاف ستھری اور سبز کیمپس برقرار رکھنے کی کوششوں کی تعریف کی ۔ بعد ازاں کالج کے پرنسپل نے شکریہ ادا کیا اور یقین دہانی کرائی کہ اعلیٰ تعلیم محکمہ کی ہدایت کو حرف بحرف اور روح کے مطابق نافذ کیا جائے گا ۔