بی او پی اِی اِی نے جی این ایم اور ان این ایم کورسز 2026کیلئے کامن انٹرنس ٹیسٹ کامیابی کے ساتھ منعقد کیا

سری نگر//جموں و کشمیر بورڈ آف پروفیشنل انٹرنس ایگزامنیشن نے تعلیمی سیشن 2026-27 کے لئے جی این ایم ، ان این ایم کورسز 2026 کا کامن انٹرنس ٹیسٹ( سی اِی ٹی) جموں و کشمیر کے مختلف مقررہ کردہ مراکز پر منعقد کیا۔صوبہ کشمیرمیں امتحان امرسنگھ کالج، کے جی پی گوگجی باغ اور ایس پی کالج ، ایم اے روڈ اور گورنمنٹ کالج آف ایجوکیشن ایم اے روڈ میں منعقد کیا گیاجبکہ صوبہ جموں میں امتحان گورنمنٹ ایس پی ایم آر کالج اور گورنمنٹ ایم اے ایم کالج سینٹروں میں لیا گیا۔کل 2,995 اُمیدواروںمیں سے 2,548 اُمیدوار امتحان میں شریک ہوئے۔بی او پی اِی اِی جموںوکشمیرکی چیئرپرسن پروفیسر مینو مہاجن کی رہنمائی میں داخلہ ٹیسٹ کے احسن اِنعقاد کو یقینی بنانے کے لئے متعلقہ ادارے ، کالج اِنتظامیہ اور قانون عملانے والے اِداروں کے تعاون سے خاطر خواہ اِنتظامات کئے گئے تھے۔امتحان متعلقہ اداروں کے عملے کی نگرانی میں خوش اسلوبی سے منعقد ہوا اور کسی بھی ناخوشگوار یا غیر منصفانہ واقعے کی کوئی اطلاع موصول نہیں ہوئی۔چیئرپرسن، اراکین، سیکرٹری، کنٹرولر امتحانات اورجے اینڈ کے بی او پی اِی اِی کے دیگر افسران نے سری نگر اور جموں میں امتحانی عمل کی نگرانی کی۔ اُنہوں نے متعلقہ اداروں اور کالجوں کے عملے کے ساتھ ساتھ ضلعی ہیڈ کوارٹروں میںضلع ترقیاتی کمشنروں کی نگرانی میں تعینات عملے کا ٹیسٹ کے احسن اِنعقاد کو یقینی بنانے پر شکریہ ادا کیا۔