بھارت اب کمزور نہیں ،ہم جو کہتے ہیں دنیا اسے غور سے سنتی ہے، ملک ترقی کی بلندیوںکو چھو رہا ہے

سیاست صرف حکومت بنانے کیلئے نہیں بلکہ عوام کی خدمت کیلئے ہونی چاہیے/ راجناتھ سنگھ

سرینگر // کانگریس اقتدار حاصل کرنے کیلئے اتحادوں کا استعمال کرتی ہے، لیکن آخر کار وہ اپنے شراکت داروں کو نقصان پہنچاتی ہے کا الزام عائد کرتے ہوئے وزیر دفاع راجناتھ سنگھ نے کہا کہ وزیر اعظم نریندر مودی کی قیادت میں اقتصادی ترقی ہندوستان کے عروج کی ایک وجہ ہے۔ سی این آئی مانیٹرنگ ڈیسک کے مطابق جھارکھنڈ کے مہاگما میں ایک ریلی سے خطاب کرتے ہوئے وزیر دفاع راجناتھ سنگھ نے کانگریس کو چیلنج کیا کہ وہ ملک میں متعدد ذاتوں اور ذیلی ذاتوں میں ریزرویشن کے فوائد کی تقسیم کیلئے ایک ٹھوس منصوبہ تیار کرے۔انہوں نے کانگریس اور اس کے لیڈر راہل گاندھی پر ’’ذات شماری‘‘ کرانے کے وعدے پر تنقید کی اور الزام لگایا کہ وہ سیاسی فائدے کے لیے رائے دہندوں کو جوڑ توڑ کیلئے اس مسئلے کا استعمال کررہے ہیں۔راجناتھ سنگھ نے کہا کہ انتخابات نہ صرف حکومت بنانے کے لیے لڑے جاتے ہیں بلکہ سماج اور ملک کی تعمیر کے لیے بھی لڑے جاتے ہیں۔ انہوں نے کہا کہ حکومت کو ذات، عقیدہ اور مذہب کی بنیاد پر نہیں چلایا جانا چاہیے بلکہ انسانیت کی بنیاد پر چلایا جانا چاہیے۔وزیر دفاع نے کہا کہ ’’بھارت اب کمزور نہیں ہے اور دنیا اسے غور سے سنتی ہے جو کہتی ہے‘‘۔اج ناتھ سنگھ نے کہا کہ ہندوستان کی بڑھتی ہوئی اقتصادی طاقت اس کی دفاعی صلاحیتوں سے میل کھاتی ہے ۔ راجناتھ سنگھ نے کہا ’’لوگوں نے محسوس کیا ہے کہ ہم نہ صرف ایک معاشی طاقت کے طور پر ترقی کر رہے ہیں بلکہ ہماری دفاعی صلاحیتوں میں بھی یہی رفتار نظر آتی ہے۔ وزیر اعظم نریندر مودی کی قیادت میں اقتصادی ترقی ہندوستان کے عروج کی ایک وجہ ہے۔ اگر آپ ملک کی سرحدوں کی حفاظت نہ کرتے اور آپ کے تعاون کے بغیر یہ ممکن نہ ہوتا۔سنگھ نے ان مشکل حالات کا حوالہ دیا جن میں فوجی ہندوستان کی سرحدوں کی حفاظت کر رہے تھے اور مزید کہا کہ ہر نوجوان دفاعی افواج میں شامل ہونا چاہتا ہے۔ سنگھ نے کہا’’ملک کے لوگ اس وردی سے جڑی بہادری اور عزت کو جانتے ہیں‘‘۔سنگھ نے راہل گاندھی پر بھی طنز کرتے ہوئے کہا، “انہیں جواب دینا چاہئے کہ ہندوستان میں کتنی ذاتیں رہتی ہیں۔ سیاست صرف حکومت بنانے کیلئے نہیں بلکہ عوام کی خدمت کیلئے ہونی چاہیے۔‘‘انہوں نے کانگریس پر موقع پرست سیاست میں ملوث ہونے کا الزام عائد کرتے ہوئے دعویٰ کیا کہ پارٹی نے تاریخی طور پر علاقائی شراکت داروں جیسے کہ بہار میں آر جے ڈی، جموں و کشمیر میں نیشنل کانفرنس کے ساتھ اتحاد کو برباد کر دیا ہے اور اب تمل ناڈو میں ڈی ایم کے کی باری ہے۔ انہوں نے کہا، ’’کانگریس اقتدار حاصل کرنے کیلئے ان اتحادوں کا استعمال کرتی ہے، لیکن آخر کار وہ اپنے شراکت داروں کو نقصان پہنچاتی ہے‘‘۔