سری نگر//پولیس نے جمعہ کو شمالی کشمیر کے ضلع بانڈی پورہ میں لشکر طیبہ کے ایک جنگجو کو گرفتار کرنے کا دعویٰ کیا ہے۔کشمیر نیوز سروس ( کے این ایس) کے مطابق شمالی کشمیربانڈی پورہ کے زالوان نرسری علاقے میں عسکریت پسندوں کی نقل و حرکت سے متعلق مخصوص اطلاع پر کارروائی کرتے ہوئے، بانڈی پورہ پولیس نے 14 RR اور 3rd Bn CRPF کے ساتھ مل کر ایک مشترکہ تلاشی آپریشن شروع کیا۔ تلاشی کے دوران لشکر طیبہ کے ایک مقامی طور پر تربیت یافتہ دہشت گرد کو گرفتار کیا گیا۔ گرفتار دہشت گرد نے اپنی شناخت شاہد کے طور پر ظاہر کی۔ حسین بھٹ ولد غلام حسن ساکن پلان بانڈی پورہ۔انہوں نے بتایا س کے انکشاف پر 2 دستی بم برآمد ہوئے جو اس نے وارڈ نمبر4 پلان بانڈی پورہ کے قریب دھان کے کھیتوں میں رکھے تھے۔ گرفتار دہشت گرد پی او کے میں لشکر طیبہ کے دہشت گرد سے رابطے میں تھا اور اسے بانڈی پورہ میں پولیس / سیکورٹی فورسز کو نشانہ بنانے کا ٹاسک دیا گیا تھا۔ اسے سرحد پار سے اس کے ہینڈلرز نے بانڈی پورہ میں نوجوانوں کو ممنوعہ دہشت گرد تنظیم ایل ای ٹی میں بھرتی کرنے کے لیے متحرک کرنے کا ٹاسک بھی دیا تھا۔اس سلسلے میں ایف آئی آر نمبر 168/2022 پی ایس بانڈی پورہ میں درج کر کے مزید تفتیش شروع کر دی گئی ہے۔
