ہندوستان دنیا کو تنازعات سے نکالنے اور اسے جوڑنے میں مصروف

قدیم سلک روٹ ہو یا ٹیکنالوجی روٹ، ہندوستان کا واحد مشن ترقی کے نئے دروازے کھولنا / وزیر اعظم مودی

سرینگر // ہندوستان دنیا کو تنازعات سے نکالنے اور اسے جوڑنے میں مصروف ہے کی بات کرتے ہوئے وزیر اعظم نریندر مودی نے کہا کہ چاہے وہ قدیم سلک روٹ ہو یا آج کا ٹیکنالوجی روٹ، ہندوستان کا واحد مشن دنیا کو جوڑنا اور ترقی کے نئے دروازے کھولنا ہے۔ سی این آئی مانیٹرنگ ڈیسک کے مطابق و زیر اعظم نریندر مودی نے نئی دہلی کے بھارت منڈپم میں بین الاقوامی ٹیلی کمیونیکیشن یونین ورلڈ ٹیلی کمیونیکیشن اسٹینڈرڈائزیشن اسمبلی کا افتتاح کیا۔ اس موقعہ پر اجتماع سے خطاب کرتے ہوئے وزیر اعظم نریندر مودی نے کہا کہ ٹیلی کام اور اس سے متعلقہ ٹیکنالوجی کی بات آتی ہے تو ہندوستان سب سے زیادہ ہو رہا ہے۔ بھارت کی کامیابیوں کا ذکر کرتے ہوئے وزیر اعظم مودی نے کہا کہ ہندوستان میں موبائل فون استعمال کرنے والوں کی تعداد 120 کروڑ یا 1200 ملین، 95 کروڑ یا 950 ملین انٹرنیٹ صارفین ہے اور حقیقی وقت میں پوری دنیا کے 40 فیصد سے زیادہ ڈیجیٹل لین دین کرتے ہیں۔ انہوں نے مزید کہا کہ ہندوستان نے یہ ظاہر کیا کہ کس طرح ڈیجیٹل کنیکٹیویٹی آخری میل کی ترسیل کیلئے ایک موثر ذریعہ بن گئی ہے۔ انہوں نے عالمی ٹیلی کمیونیکیشن کے معیار پر تبادلہ خیال کرنے اور ٹیلی کام کے مستقبل پر عالمی بھلائی کے طور پر بحث کیلئے ہندوستان کو منزل کے طور پر منتخب کرنے کیلئے سبھی کو مبارکباد دی۔ڈبلیو ٹی ایس اے اور انڈیا موبائل کانگریس کی مشترکہ تنظیم کی اہمیت پر روشنی ڈالتے ہوئے وزیر اعظم نے کہا کہ ڈبلیو ٹی ایس اے کا مقصد عالمی معیارات پر کام کرنا ہے جبکہ انڈیا موبائل کانگریس کا کردار خدمات سے وابستہ ہے۔ انہوں نے کہا کہ آج کا ایونٹ عالمی معیارات اور خدمات کو ایک پلیٹ فارم پر لاتا ہے۔ معیاری خدمات اور معیارات پر ہندوستان کی توجہ پر زور دیتے ہوئے وزیر اعظم نے کہا کہ ڈبلیو ٹی ایس اے کا تجربہ ہندوستان کو نئی توانائی فراہم کرے گا۔وزیر اعظم نے اس بات پر زور دیا کہ ڈبلیو ٹی ایس اے اتفاق رائے سے دنیا کو بااختیار بناتا ہے اور انڈیا موبائل کانگریس کنیکٹیویٹی کے ذریعے دنیا کو مضبوط کرتی ہے۔ وزیراعظم مودی نے کہا کہ اس تقریب میں اتفاق رائے اور رابطہ ایک ساتھ ہے۔ انہوں نے آج کی دنیا میں اتحاد کی ضرورت پر زور دیا جو تنازعات کی زد میں ہے اور کہا کہ ہندوستان وسودھیوا کٹمبکم کے لافانی پیغام کے ذریعے جی رہا ہے۔ انہوں نے ہندوستان کی زیر صدارت G20 چوٹی کانفرنس کا ذکر کیا اور ایک زمین ایک خاندان ایک مستقبل کے پیغام کو جاری کرنے کے بارے میں بات کی۔ وزیر اعظم نے اس بات پر زور دیا کہ ہندوستان دنیا کو تنازعات سے نکالنے اور اسے جوڑنے میں مصروف ہے۔ ’’چاہے وہ قدیم سلک روٹ ہو یا آج کا ٹیکنالوجی روٹ، ہندوستان کا واحد مشن دنیا کو جوڑنا اور ترقی کے نئے دروازے کھولنا ہے‘‘۔ انہوں نے مزید کہا کہ جب کہ موبائل اور ٹیلی کام کو دنیا بھر میں ایک سہولت کے طور پر دیکھا جاتا تھا، تاہم، ٹیلی کام صرف رابطے کا ذریعہ نہیں تھا، بلکہ ہندوستان میں ایکوئٹی اور مواقع کا ایک ذریعہ تھا۔ وزیر اعظم نے ریمارکس دیئے کہ ٹیلی کام ایک ذریعہ کے طور پر آج گائوں اور شہروں، امیر اور غریب کے درمیان فرق کو ختم کرنے میں مدد کر رہا ہے۔