ناظم اِطلاعات اور ڈی آئی پی آر ملازمین کا خالد سہیل کے والد کے اِنتقال پر اِظہار تعزیت

سری نگر//ناظم اطلاعات مِنگا شیر پا نے سینئر سکیل سٹینو گرافر ( ناظم اطلاعات کے پی اے) خالد سہیل کے والد عبدالغنی صوفی کے اِنتقال پر اِظہار ِ تعزیت کیا، جو مختصر علالت کے بعد آج شام اِنتقال کرگئے۔اَپنے تعزیتی پیغام میں ناظم اطلاعات مِنگا شیر پا نے سوگواراں اور ان کے اہل خانہ کے ساتھ ہمدردی اور یکجہتی کا اِظہار کیا اورمرحوم کی روح کے اَبدی سکون کے لئے دعا کی۔دریں اثنأ، ڈائریکٹوریٹ آف اِنفارمیشن اینڈ پبلک ریلیشنز ( ڈی آئی پی آر ) کے ملازمین نے بھی خالد سہیل کے والد کے اِنتقال پر تعزیت کا اِظہار کیا۔ محکمہ کے اَفسروں اور ملازمین نے سوگوار کنبے کے ساتھ ہمدردی اور یکجہتی کا اِظہار کیا او رمرحوم کی روح کے دائمی سکون اور سوگوار کنبے کے لئے یہ ناقابل تلافی نقصان برداشت کرنے کی ہمت کے لئے دعا کی۔