جموں//پرنسپل سیکرٹری ہاؤسنگ اینڈ اربن ڈیولپمنٹ ڈیپارٹمنٹ ( ایچ اینڈ یو ڈی ڈی ) دھیرج گپتا نے آج کہا کہ جموں و کشمیر پچھلے چند برسوں سے ’ شہری نشاۃ ثانیہ ‘ کا مشاہدہ کر رہا ہے ۔ سول سیکرٹریٹ میں مائی ٹاؤن مائی پرائیڈ ( ایم ٹی ایم پی 2.0 ) کے دوسرے مرحلے کی تیاریوں کا جائیزہ لینے کیلئے منعقدہ ایک میٹنگ کی صدارت کرتے ہوئے دھیرج گپتا نے اس بات کی تصدیق کی کہ ایم ٹی ایم پی کا دوسرا ایڈیشن جمہوریت کے تہوار کا موقع ہونے جا رہا ہے ۔ میٹنگ میں کمشنر جموں میونسپل کارپوریشن ، ڈائریکٹرز اربن لوکل باڈیز کشمیر /جموں ، منیجنگ ڈائریکٹر جے اینڈ کے ہاوسنگ بورڈ ، سری نگر میونسپل کارپوریشن کے سینئر افسران ، مشن ڈائریکٹر ایس بی ایم ( یو ) ۔ 2.0 /ڈی اے وائی ۔ این یو ایل ایم ، ایڈیشنل سیکرٹری ایچ اینڈ یو ڈی ڈی ، چیف ایگزیکٹو آفیسر جے یو ڈی اے /یو ڈی اے کے ، تمام سی ای اوز ، یو ایل بیز کے ای اوز اور دیگر متعلقہ افسران نے شرکت کی ۔ اس کے علاوہ جموں /کشمیر کے صدر یو ایل بیز نے بھی ویڈیو کانفرنسنگ کے ذریعے میٹنگ میں شرکت کی جبکہ کشمیر میں مقیم افسران نے آن لائن موڈ میں میٹنگ میں شرکت کی ۔ ایم ٹی ایم پی پروگرام کے دوسرے ایڈیشن کے بارے میں میٹنگ کو جانکاری دیتے ہوئے انہوں نے کہا کہ حقیقی ایم ٹی ایم پی سے پہلے شہری جن ابھیان کا ایک ہفتہ بھر کا پروگرام 28 نومبر سے 4 دسمبر تک تمام 78 یو ایل بیز بشمول دو میونسپل کارپوریشن میں شروع ہو گا جس کے دوران تمام محکمے آپس میں تعاون کریں گے اور لوگوں کو حکومت کی جانب سے چلائی جانے والی اسکیموں ، سی ایس ایس ، استفادہ کنندگان پر مبنی اسکیموں اور ان اسکیموں کے بارے میں آگاہی فراہم کرنے کے علاوہ خدمات کی فراہمی کو بہتر بنانا ہے ۔ انہوں نے متعلقہ افراد پر زور دیا کہ اس بار عوام سے جُڑنے اور ان کی توقعات پر پورا اترنے کیلئے پروگرام کو ایک مختلف سطح پر لے جانا چاہئیے ۔ ایم ٹی ایم پی پروگرام کی وسیع شکلیں فراہم کرتے ہوئے پرنسپل سیکرٹری نے 5 اور 6 دسمبر کو شروع ہونے والے دو روزہ ایم ٹی ایم پی 2.0 کے دوران کی جانے والی سرگرمیوں کا شمار کیا ، انہوں نے کہا کہ ہر یو ایل بی کا دورہ کرنے والے افسران 2 دن تک دورہ کریں گے ۔ انہوں نے متعلقہ افراد پر زور دیا کہ وہ پروگرام کو کامیاب بنانے کیلئے مزید جوش اور توانائی کے ساتھ کام کریں اور ان پر زور دیا کہ وہ خواہش مند شہروں کی طرف بڑھیں ۔ انہوں نے یو ایل بیز کے صدور اور افسران سے بھی کہا کہ وہ ایم ٹی ایم پی 2.0 کیلئے ایک مسلسل مہم شروع کریں ور لوگوں تک پہنچنے کیلئے تمام میڈیا ٹولز اور پلیٹ فارمز کا استعمال کرتے ہوئے بیداری مہم چلائیں ۔ انہوں نے کہا کہ ایم ٹی ایم پی نچلی سطح پر جمہوریت کو مزید مستحکم کرنے اور جموں و کشمیر میں خدمات کی فراہمی کے نظام میں بہتر کارکردگی کا مظاہرہ کرنے کیلئے ایک عوامی رابطہ پروگرام ہے ۔ انہوں نے مزید کہا کہ یہ پروگرام ان علاقوں کی نشاندہی کرنے میں بھی مدد کرے گا جہاں مزید کام کرنے کی ضرورت ہے اور ان یو ایل بیز میں مستقبل کے منصوبے بنائیں گے ۔ اس موقع پر پرنسپل سیکرٹری نے تمام یو ایل بیز کے صدور سے تجاویز طلب کی جنہوں نے پروگرام میں اپنا اعتماد ظاہر کیا ۔
