حکومت ’’ تیجسوینی سکیم ‘‘ سے خواتین کو بااِختیار بنا رہی ہے

سری نگر//حکومت جموںوکشمیر نوجوان خواتین کو ’’ تیجسوینی سکیم ‘‘ سے بااِختیار بناکرحوصلہ اَفزائی کر تی ہے اور ان کی ہنر ، تربیت ، اہلیت اور مقامی حالات کے مطابق فائدہ مند خود روزگار منصوبے قائم کرنے کے لئے مالی مدد فراہم کررہی ہے۔جموں وکشمیر یوٹی اِنتظامیہ نئے کاروبار اِداروں کے قیا م یا آمدنی پیدا کرنے کے لئے موجودہ منصوبوں کی توسیع اور جدید کاری کے لئے فائنانس کی سہولیت بھی فراہم کر رہی ہے ۔یہ بات قابلِ ذِکر ہے کہ اِس سکیم کا آغاز لیفٹیننٹ گورنرمنوج سِنہا نے جون 2021ء میں کیا تھا۔جموںوکشمیر یوٹی کی نو عمروں اور نوجوان خواتین کے لئے اِس سٹارٹ اَپ فنڈنگ پروگرام کا مقصد انہیں اَپنے کاروباری منصوبوں سے بااِختیار اور خود انحصار بنانا ہے ۔ ’’ تیجسوینی سکیم ‘‘ 18 سے 35 برس کی نوجوان خواتین کو مالی مدد فراہم کرتی ہے۔اِس سکیم کے تحت خواتین کاروباریوں کو جے اینڈ کے بینک سے مدرا کے تحت 5لاکھ روپے تک کی مالی اِمداد حاصل کرنے کی سہولیت فراہم کی جاتی ہے ۔ایک آفیشل نے کہا کہ مشن یوتھ جے اینڈ کے 50,000 روپے یا پروجیکٹ لاگت کا 10فیصد پیشگی سبسڈی کے طور پر فراہم کر رہا ہے ۔ اِس کے علاوہ حکومت کی طرف سے 60ہزار روپے تک کی سود کی رعایت بھی خصوصی ترغیب کے طور پرمعاونت کی جارہی ہے ۔اِس طرح اس سکیم کے تحت اِمداد کے لئے درخواست دینے والی نوجوان خواتین کاروباریوں کے لئے قرض کی واپسی تکنیکی طورپر بلاسود ہوگی۔اِس سکیم کا مقصد ان تمام اہل نوجوان خواتین کو مدد فراہم کرنا ہے جو جموںوکشمیر کے ڈومیسائل ہیں اور میٹرک اور اس سے زیادہ تعلیم کی اہلیت رکھتی ہیں ۔ یہ ان اداروں کو بھی پورا کرتا ہے جہاں خواتین کاروباری اَفراد کے پاس 50 فیصد سے کم مالیاتی ہولڈنگ نہیں ہوتی ہے ۔ اِس کے علاوہ خواتین پر مبنی کاروبار او رمائیکرو سٹارٹ اَپس قائم کرنے میں مددفراہم کرتی ہے۔یہ بات قابل ذِکر ہے کہ مشن یوتھ نے اِس سکیم کو جموں وکشمیر کی نوجوان خواتین کے لئے تصور کیا ہے تاکہ مختلف کاروبار ی اور ذریعہ معاش پیداکرنے کی سرگرمیوں میں خواتین کی کم شرکت کے پیش نظر معاشرے میں خواتین کی حیثیت کو بلند کیا جاسکے۔مالی برس 2021-22ء میں مشن یوتھ نے رواں مالی برس کے دورا ن اس سکیم کے تحت خواتین کاروباریوں کے زائد اَز 2,000 معاملات کو سپانسر کیا تھا جس کا بجٹ حصہ سرکاری سبسڈی کے طور پر 12کروڑ روپے تھا۔حکومت نوجوان خواہشمند خواتین کاروباریوں کو فِکسڈ اثاثوں ( پلانٹ اور مشینری ، آلات ، فرنیچر اور فکسچر) کے حصول میں بھی مدد کرتی ہے اور مختلف مصنوعات اور سازو سامان وغیرہ کی خریداری کے لئے کام کرنے والے سرمائے کی ضروریات کو پورا کرتی ہے۔خواتین کاروباریوں کو جے کے اِی ڈی آئی سے ای ڈی پی ٹریننگ بھی فراہم کی جارہی ہے تاکہ اُنہیں اَپنے کاروبار کو چلانے کے بارے میں بنیادی مہارتیں فراہم کی جاسکیں۔یہ بات قابلِ ذِکر ہے کہ اِس سکیم کو اَپنی نوعیت کی پہلی سکیم ہونے کا اعزاز حاصل ہے ۔