19اور 20اکتوبر کو جموں کی ٹاڈا عدالت میں یاسین ملک کو ذاتی طور پیش کئے جانے کا امکان
سرینگر//جموں و کشمیر لبریشن فرنٹ (جے کے ایل ایف) کے بانی یاسین ملک جو تہاڑ جیلوں میں نظربند ہیںجموں کی ٹاڈا عدالت میں ذاتی طور حاضر ہوسکتے ہیں ۔ اس سلسلے میں سرکاری ذرائع نے بتایا کہ ٹاڈا عدالت میں 19اور 20اکتوبر کو روبیہ سعید اغوا اور ہندوستانی فضائی کے اہلکاروں کی ہلاکت کی پیشی ہوگی ۔ سی این آئی کے مطابق ممنوعہ تنظیم جموں کشمیر لبریشن فرنٹ کے چیرمین محمد یاسین ملک جموں کی ٹاڈا عدالت میں ذاتی طور پر کیس کی شنائی کیلئے حاضر ہوسکتے ہیں۔ اس ضمن میں سرکاری ذرائع نے بتایا ہے کہ یاسین ملک جو کہ اس وقت تہاڑ جیل میں نظر بند ہے جموں کی ٹاڈا عدالت میں ذاتی طور پر حاضر کئے جاسکتے ہیں ۔ آئی اے ایف حکام کا کیس جموں کی خصوصی عدالت کے سامنے 19 اکتوبر کو اور روبیہ سعید کیس 20 اکتوبر کو درج کیا جائے گا۔ایڈیشنل ایڈوکیٹ جنرل مونیکا کوہلی، جو دو ہائی پروفائل کیسوں میں سرکاری وکیل ہیں، نے کہاکہ ملک کی جانب سے خصوصی ٹاڈا عدالت میں پیش ہونے کے بعداس نے تہاڑ جیل کے حکام کو پروڈکشن وارنٹ جاری کرتے ہوئے انہیں اس سلسلے میں عدالت میں پیش کرنے کی ہدایت کی۔ “یہ دیکھنا باقی ہے کہ آیا اسے عدالت میں پیش کیا جاتا ہے۔انہوں نے کہا کہ ابھی تک ہمیں تہاڑ میں جیل حکام کی طرف سے کوئی اطلاع نہیں ملی ہے۔ کوہلی نے مزید کہا کہ عدالت صبح 10 بجے یا 10.30 بجے سے مقدمات کی سماعت شروع کرے گی۔21 ستمبر کو، ایک خصوصی ٹاڈا عدالت نے پروڈکشن وارنٹ جاری کیے تھے تاکہ 19 اور 20 اکتوبر کو استغاثہ کے گواہوں اور روبیہ سعید سے جرح کرنے کے لیے ملک کی جسمانی موجودگی کو یقینی بنایا جا سکے۔56 سالہ سعید، جسے دسمبر 1989 میں پانچ عسکریت پسندوں کی رہائی کے لیے اغوا کیا گیا تھا، نے اغوا کیس میں ملک اور تین دیگر افراد کی شناخت کی تھی۔ تاہم، 23 اگست کو، ایک خصوصی ٹاڈا عدالت نے سعید کے خلاف قابل ضمانت وارنٹ جاری کیے تھے جب وہ ذاتی طور پر عدالت میں حاضر ہونے میں ناکام رہی تھیں۔
