ایجوکیشن ایکسپو جموں 2026 میں ہمہ جہت ترقی کی وکالت کی
جموں//وزیر برائے فوڈ ، سول سپلائیز اینڈ کنزیومر افئیرز ، آئی ٹی ، یوتھ سروسز اینڈ سپورٹس ، ٹرانسپورٹ اور سائینس اینڈ ٹیکنالوجی مسٹر ستیش شرما نے نوجوانوں سے اپیل کی ہے کہ وہ تعلیم ، نظم و ضبط اور کھیلوں کو ذاتی ترقی اور قوم کی تعمیر کے ستونوں کے طور پر اپنائیں ۔ وزیر موصوف ٹائمز آف انڈیا کی جانب سے کنٹری ان جموں میں منعقدہ ایجوکیشن ایکسپو جموں 2026 سے خطاب کر رہے تھے ۔ نوجوانوں کی ہمہ جہت ترقی کی ضرورت پر زور دیتے ہوئے وزیر نے تعلیمی فضیلت کے ساتھ ساتھ اقدار ، کردار اور لچک کو پروان چڑھانے کی اہمیت پر روشنی ڈالی تا کہ ایک مضبوط اور ترقی پسند معاشرہ تشکیل دیا جا سکے ۔ طلبا ء ، اساتذہ ، والدین اور موقع پر موجود دیگر معزز مہمانوں سے خطاب کرتے ہوئے وزیر نے تعلیم کو ایک ایسا تبدیلی کا ذریعہ قرار دیا جو تعلیمی کامیابی سے کہیں آگے تک پھیلا ہوا ہے ۔ انہوں نے زور دے کر کہا کہ تعلیم کو دانش کی نشو و نما کے ساتھ ساتھ کردار ، نظم و ضبط ، ایمانداری اور سماجی ذمہ داری کو بھی پروان چڑھانا چاہئیے ۔ مسٹر ستیش شرما نے ٹائمز آف انڈیا کا شکریہ ادا کیا کہ اس نے طلباء کو مواقع اور تحریک سے جوڑنے کا ایک پلیٹ فارم فراہم کیا ہے ۔ انہوں نے کہا کہ ایسی ابتدائیں طلباء کی خواہشات کو تشکیل دینے ، ان کے ذہنوں کی رہنمائی کرنے اور انہیں بامعنی کیریئرز اور روشن مستقبل کی طرف لے جانے میں اہم کردار ادا کرتی ہیں ۔ انہوں نے مزید کہا ’’ جموں و کشمیر کا مستقبل اس کی نوجوان نسل کی طاقت ، کردار اور امنگوں میں مضمر ہے ۔ ہمیں انہیں مواقع ، اقدار اور اعتماد سے بااختیار بنانا چاہئیے ۔ ‘‘
