جاوید راناکا ایگزیکٹیو اِنجینئر ہریش چندر شرما کے اِنتقال پر اظہارِ تعزیت

جموں//وزیر برائے جل شکتی، جنگلات و ماحولیات اور قبائلی اَمور جاوید احمد رانا نے جل شکتی محکمہ کے ایگزیکٹیو اِنجینئر ہریش چندر شرما کے اچانک انتقال پر گہرے دُکھ کا اِظہار کیا ہے۔اُنہوں نے اَپنے تعزیتی پیغام میں مرحوم کو ایک مخلص ، لگن ، فرض شناس اور باصلاحیت آفیسر قرار دِیا جس نے اِنتہائی پیشہ ورانہ مہارت اور دیانت داری کے ساتھ محکمہ اور عوام کی خدمت انجام دِی۔ اُنہوں نے کہا کہ ہریش چندر شرما کی عوامی فلاح و بہبود کے لئے اَنجام دی گئی خدمات کو ہمیشہ عزت و احترام اور قدردانی کے ساتھ یاد رکھا جائے گا۔وزیر موصوف نے سوگوار کنبے، ساتھی ملازمین اور مرحوم کے عزیز و اقارب کے ساتھ دلی ہمدردی او ریکجہتی کا اِظہار کیا اور مرحوم کی روح کے ابدی سکون کے لئے دُعا کی۔ اُنہوں نے اہل خانہ کے لئے اس ناقابلِ تلافی نقصان کو برداشت کرنے کی ہمت کے لئے بھی دُعا کی۔