محکمہ صحت کی وزارت نے تصدیق کرتے ہوئے کہااب وائرس مہلک نہیں
جموں//ملک میں کووڈ وائرس پھر نمودار ہوا ہے اور ایک دن میں ملک بھر میں کووڈ کے 6نئے معاملات سامنے آئے ہیں جبکہ اس وائرس سے اب تک مجموعی طور پر 5,33,295 افراد ہلاک ہوئے ہیں جبکہ صحت یاب ہونے والوں کی تعداد 4,44,68,005 پہنچ گئی ہے ۔ جے کے ٹائم کے مطابق مرکزی وزارت صحت کے ہفتہ کو اپ ڈیٹ کردہ اعداد و شمار کے مطابق ہندوستان میں چھ نئے کورونا وائرس کے انفیکشن میں ایک دن میں اضافہ ریکارڈ کیا گیا ہے اور فعال کیسوں کی تعداد 139 ہے۔صبح 8 بجے اپ ڈیٹ کیے گئے اعداد و شمار کے مطابق، اس بیماری سے مرنے والوں کی تعداد 5,33,295 ہے۔ملک میں کووڈ کیسز کی تعداد 4.50 کروڑ (4,50,01,439) ہے۔وزارت صحت کی ویب سائٹ کے مطابق، اس بیماری سے صحت یاب ہونے والوں کی تعداد بڑھ کر 4,44,68,005 ہو گئی ہے اور قومی صحت یابی کی شرح 98.81 فیصد ہے۔کیس میں اموات کی شرح 1.19 فیصد ہے۔وزارت کے مطابق، ملک میں اب تک کووڈ ویکسین کی 220.67 کروڑ خوراکیں دی جا چکی ہیں۔واضح رہے کہ سال 2019کے آخری مہینے اور سال 2020کے ابتدائی دنوں میں دنیا بھر کے ساتھ ساتھ ملک میں بھی کوروناوائرس کے کیس سامنے آنے لگے تھے اور آئے روز ہزاروں کی تعداد میں اس بیماری کے شکار ہورہے تھے جبکہ سینکڑوں اموات ریکارڈ ہوتی تھیں تاہم دھیرے دھیرے میں اس میں کمی آتی گئی اور اب ایک بار پھر یہ وائرس نمودار ہوا ہے تاہم طبی ماہرین کاکہنا ہے کہ یہ وائرس اب اس قدر مہلک نہیںہے کیوں کہ ملک کی آبادی اب اس بیماری سے لڑنے کی قوت رکھتی ہے ۔
