بجلی کی غیر مقررہ کٹوتی کی وجہ سے لوگ سڑکوں پر نکلنے پر مجبور
سرینگر///جنوبی کشمیر کے کولگام ضلع کے کنڈ والٹینگو علاقے کے رہائشیوں نے مقررہ وقت پر بجلی فراہم کرنے میں ناکامی پر محکمہ پاور ڈیولپمنٹ کے خلاف برہمی کا اظہار کیا۔وائس آف انڈیا کے مطابق، مقامی لوگوں نے الزام لگایا کہ پی ڈی ڈی قاض گنڈ علاقے کو مناسب بجلی فراہم کرنے میں ناکام رہی ہے۔ مذکورہ علاقوں کے مکینوں نے کہا کہ پاور ڈیولپمنٹ ڈپارٹمنٹ انہیں غیر شیڈول بجلی کی کٹوتی کا نشانہ بنا رہا ہے۔مقامی لوگوں نے وائس آف انڈیا کے نمائندے غلام نبی کھانڈے کو بتایا کہ بجلی کی غیر مقررہ کٹوتی کی وجہ سے لوگ سڑکوں پر نکلنے پر مجبور ہیں۔حکام نے ہمیں ان کی شکایات کے ازالے کی یقین دہانی کرائی لیکن حکام کی طرف سے کیے گئے وعدے دھوکہ ثابت ہوئے۔انہوں نے مزید کہاکہ علاقے میں بجلی کی چھپ چھپانے کی وجہ سے بے پناہ مشکلات کا سامنا ہے۔سڑکیں بلاک کرنے کی دھمکی، دیتے ہوئے مقامی لوگوں نے کہا کہ اگر بجلی کی غیر ضروری کٹوتی ختم نہیں ہوئی تو ہم سڑک پر آ جائیں گے۔علاقہ کے لوگوں نے نے ایل جی جموں و کشمیر، ڈی سی کولگام اور چیف انجینئر پی ڈی ڈی کشمیر سے اپیل کی ہے کہ وہ اس معاملے پر غور کریں اور ان کے مسئلے کا جلد از جلد ازالہ کریں تاکہ لوگ راحت کی سانس لے سکیں۔
