جزوی طو رپر ابر آلود موسمی صورتحال کے بیچ محکمہ موسمیات کی جانب سے نیا موسمی کلینڈر جاری
سرینگر // وادی کشمیر میں خوشگوار موسم کے چلتے دوران شب کئی علاقوں میں ہلکی بارشوں اور ژالہ باری کے بعد رات کے درجہ حرارت میں کمی درج کی گئی ہے ۔ ادھر محکمہ موسمیات نے 15اپریل تک عام طور پر ابر آلود آسمان کے ساتھ ہلکی بارش کا امکان ہے۔ سی این آئی کے مطابق وادی کشمیر کے موسم میں گزشتہ کئی دنوں سے بہتری آئی اور دن بھر کھلی دھوپ نکلنے سے احساس بہار کے نتیجے میںلوگوں نے راحت کی سانس لی ۔ادھر دوران شب وادی کے کئی علاقوں میں ہلکی بارش کے ساتھ کچھ موسمی مراکز پر ژالہ باری سے پوری وادی کشمیر میں رات کے درجہ حرارت کو کم کردیا۔سرینگر، پہلگام اور گلمرگ میں ہلکی بارش ہوئی، جبکہ شمالی کشمیر میں بھی کچھ مقامات پر ژالہ باری ہوئی، جس سے گلاس اور سیب کے پھلوں کی فصلوں کو گزشتہ 24 گھنٹوں کے دوران نقصان پہنچا۔محکمہ موسمیات کے مطابق جموں و کشمیر میں اگلے 24 گھنٹوں کے دوران کچھ مقامات پر تیز بارش، برفباری، گرج چمک، آسمانی بجلی، ژالہ باری اور تیز ہواؤں کے ساتھ ہلکی سے درمیانی بارش یا برفباری کی پیشگوئی کی ہے۔محکمہ موسمیات کے مطابق 15سے17اپریل تک چند مقامات پر ہلکی بارش یا برفباری کا امکان ہے جبکہ جموں و کشمیر میں 18سے 20اپریل کے دوران کئی مقامات پر ہلکی بارش یا برفباری ہو سکتی ہے۔انہوں نے کہا کہ کچھ نشیبی علاقوں میں موسم کی خرابی کی وجہ سے پانی بھر جانے کا خدشہ ہے، جبکہ لینڈ سلائیڈنگ، مٹی کے تودے گرنے اور پتھروں کی بارش کا امکان ہے جو اہم شاہراہوں پر ٹریفک کی نقل و حرکت میں خلل ڈال سکتے ہیں۔کسانوں کو مشورہ دیا گیا ہے کہ وہ اس مدت کے دوران کھیتی باڑی کے کاموں کو معطل کر دیں۔محکمہ موسمیات کے پاس دستیاب اعداد و شمار کے مطابق سرینگر میں گزشتہ 24 گھنٹوں کے دوران 0.7 ملی میٹر، پہلگام میں 5.8 ملی میٹر اور گلمرگ میں 1.2 ملی میٹر بارش ہوئی۔محکمہ مومسیات کے مطابق سرینگر کا کم سے کم درجہ حرارت 7.1 ڈگری سیلشس تھا 8.9 ڈگری ریکارڈ کیا گیا تھا۔سیاحتی مقام پہلگام میں 4.5 ڈگری سیلشس کے مقابلے میں کم سے کم 1.2 ڈگری سیلشس ریکارڈ کیا گیا جبکہ محکمہ موسمیات نے بتایا کہ گلمرگ میں رات کا درجہ حرارت 0.5 ڈگری سیلشس تک گر گیا جو گزشتہ رات ریکارڈ کیا گیا 0.6 ڈگری سیلشس تھا۔
