شری اَمرناتھ جی یاترا۔2025 خوش اسلوبی سے جاری ہے

سری نگر// شری امرناتھ جی یاترا۔ 2025 خوش اسلوبی سے جاری ہے اور یاتری بغیر کسی رُکاوٹ کے بابا برفانی کے درشن کر رہے ہیں۔ یہ بات صوبائی کمشنر کشمیر نے اُن جھوٹی خبروں کی تردید کرتے ہوئے کہی جو مختلف سوشل میڈیا چینلوں پر یاترا کی معطلی کے حوالے سے پھیلائی جا رہی ہیں۔15؍جولائی 2025ء تک زائد اَز 2.34 لاکھ یاتری درشن کر چکے ہیں اور آج 16 ؍جولائی کو بھی دونوں راستوں سے یاتری بلا کسی رُکاوٹ کے روانہ ہوئے اور پوتر گپھامیں درشن کر رہے ہیں۔تمام میڈیا اِداروں کو مشورہ دیا جاتا ہے کہ یاترا سے متعلق کسی بھی اطلاع کو شائع یا نشر کرنے سے قبل سرکاری ذرائع سے حقائق کی تصدیق کریں۔عوام سے گزارش ہے کہ درست اور بروقت معلومات کے لئے صرف سرکاری ذرائع پر بھروسہ کریں۔