خطہ پیر پنچال اور جموں کشمیر کے آر پار سیلاب سے بڑے پیمانے پر نقصانات قابل تشویش

حکومتی ناکامیوں کو کوئی اور بے نقاب نہیں کر سکتا تو قدرت نے کر دکھایا/ طارق قرہ

سرینگر / سی این آئی // جموں،پونچھ راجوری، پیر پنجال، چناب اور پوری وادی کشمیر میں بڑے پیمانے پر ہونے والے نقصانات پر گہری تشویش کا اظہار کرتے ہوئے و کشمیر کانگریس کے صدر طارق حمید قرہ نے ان خاندانوں سے دلی تعزیت کا اظہار کیا جنہوں نے اس آفت کی وجہ سے اپنے پیاروں کو کھو دیا ہے۔سی این آئی کے مطابق جموں کشمیر کانگریس نے خطہ پیر پنچال اور جموں کشمیر کے آر پار سیلاب سے ہونے والے وسیع نقصان پر تشویش کا اظہار کیا۔کانگریس کے جموں کشمیر صدر طاریق حمید قرہ نے حکومت کی کوتاہیوں اور مجرمانہ غفلت پر تنقید کی، خاص طور پر چشم ماتا اور ویشنو دیوی ماتا پر، جہاں انسانی جانوں کے المناک نقصان کے باوجود بے حسی کا مظاہرہ کیا گیا ہے۔ انہوں نے کہا کہ انتظامیہ کی ناکامیاں عیاں ہیں اور ان مسائل کو اجاگر کرنے کے لیے بات چیت کی گئی۔قرہ نے نشاندہی کی کہ بہت سے شعبوں کو نقصان پہنچا ہے، جن میں زمیندار، نجی کاروبار، گاڑیاں، فصلیں اور عوامی انفراسٹرکچر شامل ہیں۔ انہوں نے مزید کہا کہ ترقیاتی منصوبے، خاص طور پر جو جموں اور سرینگر کے سمارٹ شہروں سے منسلک ہیں، خود فطرت کی طرف سے کمزور اور ناقص کے طور پر سامنے آئے ہیں۔ انہوں نے کہا کہ حکومت کی ناکامیوں کو کوئی اور بے نقاب نہیں کر سکتا تو قدرت نے کر دکھایا۔انہوں نے ریاستی اور مرکزی حکومت کے دونوں منصوبوں پر مزید نکتہ چینی کی اور انہیں ناقص اور نامکمل قرار دیا۔ انہوں نے کہا کہ موجودہ کمیٹیوں کا ٹریک ریکارڈ خراب ہے اور ان میں سابقہ کمیٹیوں کے ممبران شامل ہیں جن کی رپورٹیں ابھی زیر التواء ہیں۔ ایسے لوگوں کو ان تحقیقات کا حصہ نہیں ہونا چاہیے۔ حکومت کے ردعمل کو نظام کا مذاق قرار دیتے ہوئے، انہوں نے اس دعوے کی مذمت کی کہ بحالی پر 209 کروڑ روپے خرچ کیے گئے ہیں، یہ ایک ظالمانہ مذاق ہے۔ انہوں نے زور دے کر کہا کہ جموں و کشمیر میں مناسب تعمیر نو اور امدادی سرگرمیوں کے لیے ہزاروں کروڑ روپے درکار ہیں۔