مینڈھر//وزیر برائے جل شکتی، جنگلات و ماحولیات اور قبائلی امورجاوید احمد رانا نے آئی ڈِی پی ایس مینڈھر میں سالانہ دن کی تقریبات میں شرکت کی ۔ اُنہوں نے تعلیم کے اہم کردار کو اُجاگر کیا جو نہ صرف ذہانت بلکہ نوجوان طلبأ کے کردار کی تشکیل میں بھی مددگار ثابت ہوتی ہے۔اُنہوں نے طلبأ، اَساتذہ اور والدین کے اِجتماع سے خطاب کرتے ہوئے تیز رفتار تکنیکی ترقی کے دور میں تعلیم کے بدلتے ہوئے منظر نامے کے بارے میں بات کی۔اُنہوں نے کہا کہ جہاں ڈیجیٹل ترقی نے سیکھنے کی نئی راہیں کھولی ہیں،وہیں اس نے طلبأ میں مضبوط اخلاقی اَقدار، نظم و ضبط اور ذمہ داری کا احساس پیدا کرنے کی ضرورت کو بھی اُجاگر کیا ہے۔جاوید رانا نے اَساتذہ اور خاندانوںکی مشترکہ ذمہ داری پر زور دیتے ہوئے ہمہ جہت افراد کی تربیت کے لئے باہمی تعاون پر زور دیا۔اُنہوں نے کہا کہ تعلیم کا اَصل مقصد ہمہ جہت ترقی کو فروغ دینا ہے جہاں طلبأ نہ صرف علمی بلکہ جسمانی، جذباتی اور سماجی طور پر بھی ترقی کریں۔اُنہوں نے شراکت داروں پر زور دیا کہ نوجوان ذہنوں میں برداشت، دیانت داری اور ہمدردی پیدا کرنے پر توجہ دیں تاکہ معاشرے میں مثبت اور بامعنی کردار اَدا کر سکیں۔اُنہوں نے کہا کہ اِبتدائی عمر سے ہی تنوع کا احترام اور شمولیت کو فروغ دینا ایک ترقی پسند اور متحد معاشرے کی تشکیل کے لئے نہایت اہم ہے۔وزیر موصوف نے سکول اِنتظامیہ اور عملے کی کاوشوں کو سراہتے ہوئے معیاری تعلیم کی فراہمی اور طلبأ کی صلاحیتوں کو اُجاگر کرنے کے مواقع پیدا کرنے پر ان کی کوششوں کو سراہا۔تقریب میں طلبأکی جانب سے ثقافتی پروگرام بھی پیش کئے گئے جنہوں نے تخلیقی صلاحیت، اعتماد کے جذبے کی عکاسی کی۔
