بورڈ آف سکول ایجوکیشن نے سالانہ اِمتحانات سے قبل شکایات کے اَزالے کیلئے ایک سیل قائم کیا

سری نگر//جموں و کشمیر بورڈ آف سکول ایجوکیشن نے آئندہ سالانہ اِمتحانات کے دوران متعلقہ فریقین کی امتحانات سے متعلق شکایات، مسائل اور اِستفسارات کو حل کرنے کے لئے ایک ’ شکایات کے اَزالے اور نگرانی سیل‘ قائم کیا ہے۔یہ سیل اِس لئے قائم کیا گیا ہے تاکہ شکایات کا بروقت اَزالہ کیا جا سکے اور اِمتحانات کے دوران پیش آنے والے مسائل کو کم کیا جا سکے۔یہ سیل شکایات کو درج کرے گا تاکہ ان کا بروقت تصفیہ ہو سکے اور فوری اِصلاحی اقدامات کئے جا سکیں۔ یہ سیل شکایات کا اِندراج کرے گا، ان کے بروقت حل کو یقینی بنائے گا اور جہاں بھی ضروری ہو، اِصلاحی کارروائی عمل میں لائے گا۔ یہ سیل سیکرٹری جموںوکشمیر بورڈ آف سکول ایجوکیشن(جے کے بی او ایس اِی)کی براہِ راست نگرانی میں کام کرے گا۔دریں اثنا، بورڈ نے سینٹر سپراِنٹنڈنٹوں اور ان کے نگران عملے پر زور دیا ہے کہ وہ اِمتحانات کے تقدس اورشفافیت کی حفاظت کریں اور اِس بات کو یقینی بنائیں کہ اِمتحانات منصفانہ، شفاف اور منظم انداز میں منعقد ہوں۔بورڈ نے مزید کہا کہ اِمتحانات کے تقدس اور شفافیت کی ہر قیمت پر حفاظت کی جائے گیمتعلقہ فریقین اَپنی شکایات jsexamsjd.jkbose@jk.gov.in , 0191-2585732 (جموںکے لئے) اور jsexamskd.jkbose@jk.gov.in , 0194-3186762 (کشمیر کے لئے) اِی میل پتوں او رفون نمبروں پر درج کرواسکتے ہیں۔