جموں//پرنسپل سیکرٹری سکل ڈیولپمنٹ ڈیپارٹمنٹ ڈاکٹر اَصغر حسن ساموں نے منعقدہ ایک جائزہ میٹنگ کے دوران پولی تکنیک کالجوں کے پرنسپلوں سے کہا ہے کہ وہ اے آئی سی ٹی اِی کی طرف سے ویب پورٹل کھولے جانے کے بعدنئے کورسوں کو تسلیم کریں۔میٹنگ میں ڈائریکٹر ایس ڈی ڈی سدرشن کمار، تمام پولی تکنیک کالجو ں کے پرنسپل اور محکمہ کے دیگر اَفسران نے شرکت کی جبکہ جموں سے باہر اَفسران نے بذریعہ ویڈیوکانفرنسنگ میٹنگ میں حصہ لیا۔اُنہوں نے اَفسران سے کہا کہ وہ طلباء کو اَپنے غیر متعلقہ کورسز پیش کرنے کے بجائے کورسز کو اَپنانے کا اِنتخاب کریں۔اُنہوں نے افسران پر زور دیا کہ وہ تمام کورسوں کو طلباء کے لئے پُر کشش بنائیں تاکہ ان کے نصاب یا دیگر لیب کے کام کو بڑھایا جائے۔ڈاکٹر سامون نے کہا کہ جموں وکشمیر نے حال ہی میں تیز ترقی کا راستہ اِختیار کیا ہے جس نے ہمارے نوجوانوں کے لئے روزگار کے مواقعوںکے نئی راہیں کھولی ہیں۔اُنہوں نے کہا کہ ریلوے ہو ، ٹنلیں ہوں ، پاور پروجیکٹ ہوں یا دیگر بنیادی ڈھانچہ ہوں ہمارے نوجوانوں کو ہنر مند بنا کر روزگار کے قابل بنانے کی بہت گنجائش ہے۔اُنہوں نے کہا کہ ہندوستان کو مستقبل میں تقریباً 8کروڑہندر مند اَفرادی قوت کی ضرورت ہے اور ہمیں اَپنے نوجوانوں کو متعلقہ تجارت میں ہنر مند بناکر بے روزگاری کے مسئلے پر قابو پانے کے لئے اِس موقعہ پر کا فائدہ اُٹھانا چاہیئے۔اُنہوں نے کہا،’’ تعلیم نہ صرف کلاس روم کی سرگرمی ہے بلکہ اس سے آگے بھی بہت کچھ ہے۔‘‘ اُنہوں نے ان پرنسپلوں سے کہا کہ وہ ان طلباء کی تربیت کے لئے درکار تمام مشینری کو اچھی طرح سے حاصل کریں۔اُنہوں نے ڈائریکٹر سے کہا کہ وہ پرنسپلوں کو اختیارات تفویض کریں تاکہ وہ اَپنی فوری ضرورت کے مطابق اخراجات کرسکیں۔ اُنہوں نے ان سے کہاک ہ وہ اَپنے اِداروں کو مہارت کی تلاش میں بہترین مرکز بنائیں جہاں کاروربار ی اَفراد اور ہنرمند اَفرادی قوت پیدا کی جائے۔ڈاکٹر سامون نے محکمہ کو اِس مالی سال کے بقیہ حصے میں حاصل کئے جانے والے قابل عمل کا ایک سیٹ بھی دیا ۔ ان میں سٹرائیو پروجیکٹ کے تحت آئی ٹی لیبارٹریوں کا قیام ،ہنرمندی شعبے میں اِصلاحات کے لئے کنسلٹنسی رِپورٹ کو حتمی شکل دینا، اِن اِداروں کے پاس آئوٹ کو ٹریک کرنے کے ایم آئی ایس تیا ر کرنا، لغوی زمرے کے تحت پروجیکٹوں کی تکمیل ، مرکزی معاونت والی سکیموں کے تحت 7 آئی ٹی آئیز اور2ماڈل آئی ٹی آئیز کا قیام شامل ہیں۔میٹنگ میں کہا گیا ہے کہ جموںوکشمیریوٹی کے دُور دراز علاقوں کے پرنسپل سیکرٹری کے ذاتی دوروں سے ان اِداروں میں ترقی کی رفتار میں اِضافہ ہوا ہے ۔ اس کے علاوہ ان کے کام کاج میں شفافیت اور جواب دہی میں اضافہ ہوا ہے۔میٹنگ میں یہ بھی جانکاری دی گئی کہ غیر نصابی سرگرمیوں کے سلسلے میں متعدد اِقدامات اُٹھائے گئے ہیں۔ میکنیکل اِنجینئرنگ کے تیسرے سمسٹر کے حصے کے طور پر گورنمنٹ پولی تکنیک بڈگام کے طباء کو بوائلر ہائو س / اے سی پلانٹ سکمز صورہ کے صنعتی دورے کے لئے لے جایا گیا ۔ سول اِنجینئر نگ کے تیسرے سمسٹر کے طلباء کو سیمنٹ فیکٹری ٹی سی آئی پلانٹ کھنموہ کے صنعتی دورے کے لئے لے جایا گیا تاکہ سیمنٹ کی تیاری کے حوالے سے فیلڈ ورکس کی نمائش کی جاسکے۔اِسی طرح پولی تکنیک گاندربل نے پانچویں سمسٹر کے الیکٹریکل اِنجینئرنگ کے طلباء کے پاور ہائوس کنگن ک اور نار درن ریلوے یونٹ نوگام کے ایک روزہ صنعتی دورے کا بھی اہتمام کیا ۔میٹنگ میں مزید بتایا گیا کہ گورنمنٹ پولی تکنیک سانبہ ، گورنمنٹ پولی تکنیک برائے خواتین جموں اور گورنمنٹ آئی ٹی آئی پونچھ نے سیشن 2021-22 کے لئے صد فیصد داخلوں کا ہدف حاصل کیا۔
