جنوبی کشمیر میں تین سالہ بچی شدید جھلس گئی، سکمز میں منتقل

سرینگر/// یو این ایس / جنوبی کشمیر کے کولگام ضلع کے چانسر گاؤں میں اتوار کو اتفاقی طور پر گرم پانی کے ساتھ رابطے میں آنے کے بعد ایک تین سالہ بچی شدید جھلس گئی ۔زخمی نابالغ بچی کی شناخت علیزہ جان کی حیثیت سے کی گئی ہے، جو وسیم احمد کی بیٹی ہے۔ حکام نے بتایا کہ وہ گھریلو حادثے میں شدید جھلس گئی تھی اور اسے علاج کے لیے فوری طور پر ضلع اسپتال کولگام منتقل کیا گیا تھا۔ضلع اسپتال کے ڈاکٹروں نے ابتدائی طبی امداد فراہم کی اور بعد میں اس کے زخموں کی سنگینی کے پیش نظر بچی کوسکمز سری نگر ریفر کر دیا۔ اسپتال ذرائع نے بتایا کہ لڑکی اس وقت اسپتال میں زیر علاج ہے۔