کٹھوعہ میں پولنگ عملے کی رینڈمائزیشن کا اِنعقاد

کٹھوعہ// قانون ساز اسمبلی 2024 کے عام اِنتخابات کی تیاریوں کے لئے ضلع کٹھوعہ کے چھ اسمبلی حلقوں کے 704 پولنگ سٹیشنوں پر تعینات پولنگ عملے کی پہلی رینڈمائزیشن آج ڈِی سی آفس کمپلیکس کے وِی سی روم میں منعقد ہوئی۔ڈِسٹرکٹ الیکشن آفیسر (ڈِی اِی او) ڈاکٹر راکیش منہاس کی نگرانی میں متعلقہ افسران کی موجودگی میں رینڈمائزیشن کا عمل منعقد ہوا۔پولنگ عملے کے اِنتخاب میں شفافیت اور غیر جانبداری کو یقینی بنانے کے لئے الیکشن کمیشن آف انڈیا کے تجویز کردہ رہنما خطوط کے مطابق رینڈمائزیشن کا عمل مخصوص سافٹ ویئر کے ذریعے اَنجام دیا گیا۔3,898 ملازمین کا ایک ڈیٹا بیس رینڈامائزڈ کیاگیا ہے جس میں کسی بھی ایمرجنسی صورتحال کو پورا کرنے کے لئے تقریباً 40فیصد ریزرو سٹاف شامل ہے۔رینڈ مائزیشن کے دوران ڈپٹی ڈِسٹرکٹ الیکشن آفیسر ناگیش سنگھ، نوڈل آفیسر ایم سی سی رنجیت سنگھ (اے ڈی سی)، نوڈل آفیسر ٹریننگ (سی پی او) رنجیت تھنکور، نوڈل آفیسر ایم سی ایم سی، اِی ایم سی، آئی ، سی کنٹرول روم نیرج بھارگو (ڈِی آئی او) اور دیگر متعلقین موجود تھے۔