کھیلو انڈیا اسپورٹس کونسل کی جانب سےانڈور اسٹیڈیم ہندواڑہ میں کھلاڑیوں میں کبڈی کٹس تقسیم

سرینگر//کھیلو انڈیا اسپورٹس کونسل نے انڈور اسٹیڈیم ہندواڑہ میں کھلاڑیوں میں کبڈی کٹس تقسیم کیں۔ یہ تقسیم کاری کبڈی کوچ نزہت گل، منیجر ہندواڑہ ظہور احمد کی موجودگی میں منعقد ہوئی۔ کشمیر پریس سروس کے موصولہ اطلاعات کے مطابق نوجوانوں کو کھیلوں کی طرف مائل کرنے اور اس رجحان کو عام کرنے کیلئے کھیلو انڈیا اسپورٹس کونسل نے کٹس تقسیم کرنے کی شروعات کرتے ہوئے کبڈی کھیلاڑیوںمیں کبڈی کٹس تقسیم کئے ۔اس موقعہ پر ناہیدہ نے کہا کہ یہ کٹس کی تقسیم کاری صرف ڈی ایس او اسپورٹس کونسل نصرت کی کوششوں سے ہوئی ہے۔ قزلہ، سیکرٹری سپورٹس کونسل نزہت نے بھی اس موقعہ پر کھیلاڑیوں کی حوصلہ افزائی کی اور ان کو کھیلوں میں اپنی دلچسپی بڑھانے اور اپنی صلاحیتوں کا مظاہرہ کرنے کی تلقین کی ۔انہوں نے کہا کہ کھیلو انڈیا اسپورٹس کونسل کھیلوں کو فروغ دینے اور کھلاڑیوں کی حوصلہ افزائی کرنے اور ہر ممکن مدد کرنے کیلئے کوشاں ہے