پولیس نے کولگام میں 02 منشیات فروشوں کو گرفتار کیا، ممنوعہ اشیاء برآمد کی
سرینگر // سوپور پولیس نے مجاز اتھارٹی سے باضابطہ حراست کا حکم ملنے کے بعد ایک بدنام زمانہ منشیات اسمگلر کے خلاف این ڈی پی ایس ایکٹ کے تحت مقدمہ درج کیا ہے۔ادھر سماج سے منشیات کو ختم کرنے کی کوششوں کو جاری رکھتے ہوئے، پولیس نے کولگام میں 02 منشیات فروشوں کو گرفتار کیا ہے اور ان کے قبضے سے ممنوعہ اشیاء برآمد کی ہیں۔سی این آئی کے مطابق منشیات فروشوں کیخلاف کارروائی جاری رکھتے ہوئے سوپور میں پولیس نے ایک منشیات اسمگلر کو این ڈی پی ایس ایکٹ کے تحت مقدمہ درج کر لیا ہے ۔ پولیس کے مطابق منشیات اسمگلر شوکت احمد صوفی ولد عبدالستار ساکن ڈینجر پورہ کو حراست میں لے لیا گیا ہے اور اب اسے جموں کی سنٹرل جیل کوٹ بلوال میں رکھا گیا ہے۔غور طلب ہے کہ اس منشیات اسمگلر کے خلاف کئی مقدمات درج ہیں اور وہ اب بھی پولیس ضلع سوپور اور ضلع کے دیگر علاقوں کے مقامی نوجوانوں کو منشیات فراہم کرکے منشیات کے استعمال میں ملوث تھا۔ادھر سماج سے منشیات کو ختم کرنے کی کوششوں کو جاری رکھتے ہوئے، پولیس نے کولگام میں 02 منشیات فروشوں کو گرفتار کیا ہے اور ان کے قبضے سے ممنوعہ اشیاء برآمد کی ہیں۔ایس ایچ او پولیس اسٹیشن قاضی گنڈ کی قیادت میں ایک پولیس پارٹی نے نسو بدرا گنڈ میں ناکہ چیکنگ کے دوران گاڑی کو روکا جس میں ایک شخص (ڈرائیور) سوار تھا جس کی شناخت بلجیندر سنگھ ولد بلبیر سنگھ ساکن بخشیوال گرداس پور، پنجاب کے طور پر ہوئی، گاڑی کی مکمل تلاشی لینے کے بعد 8.2 کلو گرام پوست بھوسے جیسا ممنوعہ مادہ برآمد ہوا۔ مذکورہ شخص کو موقع پر گرفتار کر کے جرم میں استعمال ہونے والی گاڑی ضبط کر لی گئی۔پولیس اسٹیشن کولگام کی ایک پولیس پارٹی نے محمد پورہ میں گشت کے دوران ایک مشکوک شخص کو روکا جس کی شناخت نثار احمد میر ولد عبدالسلام میر ساکنہ محمد پورہ کے طور پر ہوئی ہے جس کے پاس نائیلون بیگ تھا۔ تلاشی کے بعد،اس کے قبضے سے مذکورہ بیگ میں بھری ہوئی 5.1 کلو گرام بھنگ کا پاؤڈر جیسے ممنوعہ مادہ برآمد کرنے میں کامیاب ہوئے۔ اسے گرفتار کر کے تھانے منتقل کر دیا گیا ہے جہاں وہ زیر حراست ہے۔اس کے بعد پولیس اسٹیشن قاضی گنڈ اور پولیس اسٹیشن کولگام میں قانون کی متعلقہ دفعات کے تحت مقدمات درج کرکے دونوں معاملات میں مزید تفتیش شروع کردی گئی ہے۔
