شالین کابرا نے کٹرا بلاک کا دورہ کیا اور پنچایت سُول کی مجموعی ترقی کا جائزہ لیا
رِیاسی//تبدیلی کے ’ بیک ٹو ولیج ‘ پروگرام کے پانچویں مرحلے میں عوامی ردِ عمل کا مشاہدہ کیا گیا جو پورے ریاسی ضلع میں گونج اٹھا ۔ ایڈیشنل چیف سیکرٹری ( اے سی ایس ) جل شکتی شالین کابرا ضلع ریاسی کے وزٹنگ آفیسر اور مینٹور سیکرٹری کی سربراہی میں پنچایت سول میں پنچائتی راج انسٹی ٹیوشن ( پی آر آئی ) کے اراکین اور مختلف متعلقہ محکموں کے ساتھ وسیع بات چیت کی ۔ گرام سبھا کے اجلاس میں بڑھ چڑھ کر حصہ لیتے ہوئے اور مختلف محکموں کے اسٹالوں کا معائینہ کرتے ہوئے مہمان افسر نے مقامی برادریوں کے ساتھ گفت و شنید کی ۔ حکومتی اسکیموں کے نفاذ کے بارے میں زمینی تاثرات کیلئے پی آر آئیز اور عام لوگوں کے ساتھ مکمل مشغولیت اس دن کا ایک مرکزی نقطہ تھا ۔ سرکاری اسکیموں کی زمینی حیثیت کے بارے میں جامع فیڈ بیک حاصل کرنا ، جاری ترقیاتی منصوبوں کا جائیزہ لینا اور فلیگ شپ اقدامات کے تاثرات کو سمجھنے کیلئے اے سی ایس نے لوگوں کو غور سے سُنا ۔ بنیادی ڈھانچے کی ترقی کے عزم کو اجاگر کرتے ہوئے شالین کابرا نے پاموتے سے دھروٹ تک ایک لنک روڈ کا افتتاح کیا جس کی تخمینہ لاگت 87.30 لاکھ روپے ہے ۔ اس دن کی رونق مختلف پنچائتوں تک پھیل گئی ، افتتاحی پروجیکٹس ، کھیلوں اور ثقافتی تقریبات ، شجرکاری مہم ، گرام سبھا ، جل جیون مشن ( جے جے ایم ) کا معائینہ ، دیگر ترقیاتی کاموں بشمول کسانوں کے ساتھ مشغول ہونا ، آنگن واڑی مراکز اور دیگر سرکاری اداروں کا دورہ کرنا اور نشہ مکت بھارت ابھیان پر بیداری کے سیشن کا انعقاد اور بات چیت میں متنوع پہلوؤں پر محیط تھا ۔ مزید براں کمیونٹی کی مصروفیت کو تقویت دینے کیلئے پاس بکس سوامیتوا پراپرٹی کارڈز اور پودوں کی تقسیم نے ان اقدامات کو ایک مضبوط ٹچ شامل کیا ۔ اس موقع پر ضلع ترقیاتی کمشنر ویشیش مہاجن ، اے سی ڈی ، ایس ڈی ایم کٹرہ ، ایس ای جل شکتی محکمہ ، ایکس ای اینز جل شکتی اور پی ڈبلیو ڈی کٹرہ ، بی ڈی او پینتھل اور دیگر ضلعی افسران اس موقع پر موجود تھے ۔ یہ جامع نقطہ نظر نچلی سطح کی ترقی اور کمیونٹی کو بااختیار بنانے کیلئے پروگرام کی لگن کو واضح کرتا ہے جس سے ضلع ریاسی میں ایک بامعنی اثر پیدا ہوتا ہے ۔
