اونتی پورہ پولیس کے ہاتھوں ہٹ اینڈ رن کیس حل

اونتی پورہ//اونتی پورہ کے ریشی پورہ علاقے میں ایک تیز رفتار گاڑی نے ایک دس سالہ بچی کو ٹکر مار کر اسے شدید زخمی کر دیا ہے جس کو ہسپتال منتقل کیا گیا ہے جہاں وہ دم توڑ بیٹھی ہے پولیس نے واقعے کے حوالے سے کارروائی کرتے ہوئے مفرر ڈارئیور کو ایک گھنٹے کے اندر اندر گرفتار کر کے ڈپمر کو ضبط کیا ہے ۔کشمیر نیوز سروس ( کے این ایس ) کے مطابق پولیس نے ہٹ اینڈ رن کیس میں تیزی سے کام کرتے ہوئے ملزم ڈرائیور کو واقعہ کے ایک گھنٹے کے اندر ہی گرفتار کرلیا۔پولیس نے بتایا کہ منگل کی صبح ریشی پورہ کے مقام پر ایک حادثہ پیش آیا جس میں ایک بچی نملی ادیبہ ارشد (عمر تقریباً 10 سال) دختر ارشد احمد شیخ ساکن ریشی پورہ کو محمد حنیف کھانڈے ولدعلی محمد کھانڈے ساکن پامپورنے لاپرواہی سے چلانے والے ڈمپر بیئرنگ رجسٹریشن نمبر JK01AE-3177 نے ٹکر مار دی۔جس کے نتیجے میں مذکورہ بچی موقع پر ہی دم توڑ گئی۔اونتی پورہ کی پولیس ٹیم نے واقعے پر تیزی سے کارروائی کی اور واقعے کے ایک گھنٹے میں ہی ملزم کو گرفتار کرلیا۔قانون کی متعلقہ دفعہ کے تحت نوٹس لیا گیا اور جرم میں ملوث ڈرائیور کو گرفتار کر کے ڈمپر ضبط کر لیا گیا۔