محکمہ سیاحت و ثقافت کا ڈاکٹر سیّد عابد رشید شاہ کے والد کے اِنتقال پر اِظہار تعزیت

سری نگر//ڈائریکٹوریٹ آف ٹوراِزم کشمیر نے سیکرٹری سیاحت و ثقافت ڈاکٹر سیّد عابد رشید شاہ کے ساتھ والداُن کے والد سیّد عبدالرشید شاہ کے اِنتقال پر تعزیت کا اِظہار کیا ہے ، جو کل یہاں مختصر علالت کے بعد اِنتقال کر گئے تھے۔اِس سلسلے میں یہاں ٹورسٹ ریسپشن سینٹر سری نگر میں ایک تعزیتی میٹنگ منعقد ہوئی جس میں محکمہ سیاحت، ٹوراِزم ڈیولپمنٹ اَتھارٹیز ، جے اینڈ کے کیبل کا رکارپوریشن اور دیگر متعلقہ محکموں کے اَفسروں و ملازمین نے شرکت کی۔ڈائریکٹر سیاحت کشمیر راجا یعقوب نے میٹنگ سے خطاب کرتے ہوئے سوگوار اں کے ساتھ دلی ہمدردی اور یکجہتی کا اِظہار کیا ۔ اُنہوں نے کہا کہ تمام متعلقہ محکمے دُکھ کی اِس گھڑی میں سوگوار کنبے کے ساتھ برابر کے شریک ہیں۔میٹنگ میں مرحوم کی روح کے ابدی سکون اور سوگوار کنبے کے لئے صبر جمیل کے لئے دُعا کی گئی۔اِسی طرح کی تعزیتی میٹنگیں محکمہ ثقافت اور آرکائیوز او رسول سیکرٹریٹ سری نگر اور جموں کے علاوہ ڈائریکٹوریٹ آف ٹوراِزم جموں میں منعقد کی گئیں۔اِن میٹنگوں میں مقررین نے ڈاکٹر سیّد عابد رشید سے ہمدردی اور یکجہتی کا اِظہار کیا اور مرحوم کی روح کے دائمی سکون کے لئے دعا کی ۔ مرحوم کی روح کو خراج عقیدت پیش کرنے کے لئے دو منٹ کی خاموشی اِختیار کی گئی۔ میٹنگ میں سوگوار کنبے کے لئے یہ ناقابلِ تلافی نقصان برداشت کرنے کی ہمت کے لئے دعا بھی کی گئی۔