جموں//جموں و کشمیر سروسز سلیکشن بورڈ ( جے کے ایس ایس بی ) کے چئیر مین نےجے کے ایس ایس بی کے ذریعہ طے شدہ مختلف امتحانات کے انعقاد کیلئے ایک جائیزہ میٹنگ منعقد کی ۔ میٹنگ میں بتایا گیا کہ جے کے ایس ایس بی نے جنوری اور فروری 2022 کے مہینے میں مختلف امتحانات کے انعقاد کیلئے عارضی تاریخوں کا اعلان کر دیا ہے ۔ تا ہم سرد موسم کے حالات ، جموں و کشمیر کے مرکزی علاقے کے تمام اضلاع میں جمعہ کی دوپہر 2 بجے سے پیر کی صبح 6 بجے تک کووڈ پر قابو پانے کیلئے پابندیوں کی وجہ سے جے کے ایس ایس بی کو امتحانات کے شیڈول پر نظر ثانی کیلئے امیدواروں کی ایک بڑی تعداد سے درخواستیں موصول ہوئی ہیں ۔ بورڈ نے موجودہ حالات کی روشنی میں اس معاملے کا جائیزہ لیا اور 20 فروری 2022 کے بعد مختلف امتحانات (او ایم آر /سی بی ٹی ) شیڈول کرنے کا فیصلہ کیا ۔ تا ہم امتحانات کی تفصیلی ڈیٹ شیٹ /پوسٹ وار شیڈول امیدواروں کی معلومات کیلئے مناسب وقت پرالگ سے مطلع کیا جائے گا ۔ امیدواروں کو مشورہ دیا جاتا ہے کہ وہ جے کے ایس ایس بی کی طرف سے شروع کی جانے والی مختلف سرگرمیوں کے بارے میں آفیشل /مستند اپ ڈیشن کیلئے بورڈ کی آفیشل ویب سائٹ پر جاتے رہیں ۔ میٹنگ میں جے کے ایس ایس بی کے ممبران محمد شفیق چک ، نذیر احمد خواجہ ، پریتم لال اتری ، ہرویندر کور ، عاشق حسین للی ، نیلم کماری ، نارائن دت ، کنٹرولر امتحانات اشوک کمار ، ڈپٹی سیکرٹری جے کے ایس ایس بی ہلال احمد میر اور ایڈمنسٹریٹو آفیسر جے کے ایس ایس بی کشمیرالطاف حسین بھٹ نے شرکت کی ۔
