عمارت کا مالک الطاف کراس فائر نگ میں مارا گیا: ڈی آئی جی سجیت کمار
سری نگر//جموں و کشمیر پولیس نے حیدرپورہ تصادم سے متعلق تحقیقاتی رپورٹ کے حوالے سے جمعرات کو بتایا کہ ایک غیر ملکی جنگجوکے علاوہ جموں کا ایک مقامی نوجوان طویل عرصے سے اس غیر ملکی کے ساتھ رہ رہا تھا جب کہ دونوں ڈاکٹر مدثر گل کے کمرے میں مقیم تھے۔ پولیس نے بتایا کہ مقامی نوجوان عامر ماگرے ایک جنگجو تھا اور اس نے عمارت میں غیر ملکیجنگجو کی موجودگی کے بارے میں جھوٹ بولا تھا اور عمارت کے مالک کو غیر ملکی جنگجو نے حیدرپورہ تصادم کے دورن انسانی ڈھال بنایا تھا جو فائرنگ میں مارا گیا۔جے کے این ایس کے مطابق پولیس کنٹرول روم (پی سی آر) میں ایک پریس کانفرنس سے خطاب کرتے ہوئے ڈی آئی جی سنٹرل کشمیر سوجیت کمار سنگھ نیحیدرپورہ ا انکاؤنٹر کی تحقیقات کے بارے میں تفصیلی پریزنٹیشن دیتے ہوئے کہا کہ سی سی ٹی وی فوٹیج اور دیگر شواہد سے پتہ چلتا ہے کہ عمارت کے مالک الطاف کو بطور ملزم استعمال کیا گیا تھا۔ انہوںنے جموں وکشمیر پولیس کے ڈائریکٹر جنرل دلباغ سنگھ اور آئی جی پی کشمیر وجے کمار کے ہمراہ پریس کانفرنس میں کہاکہ غیر ملکی جنگجو بلال بھائی کی انسانی ڈھال، جو عامر ماگرے کے ساتھ ڈاکٹر مدثر گل کے چیمبر میں مقیم تھا۔ڈی آئی جی وسطی کشمیر سوجیت کمار، جو حیدر پورہ انکاؤنٹر میں ایس آئی ٹی کی سربراہی کر رہے تھے، نے کہا کہ سی سی ٹی وی فوٹیج سے پتہ چلتا ہے کہ ڈاکٹر مدثر گل غیر ملکی جنگجوکے ساتھ سری نگر شہر میں اپنی گاڑی میں سفر کر رہے تھے۔ فوٹیج اور دیگر شواہد سے ظاہر ہوتا ہے کہ عمر ماگرے نے جمالٹہ سری نگر حملے کے دوران غیر ملکی جنگجو کا ساتھ دیا تھا۔پولیس کے سینئرافسرنے کہاکہ عامر اکثر بانڈی پورہ اور گریز کا سفر کرتا تھا، ایک ایسا زاویہ جس کی ابھی تفتیش جاری ہے۔انہوں نے کہا کہ ابتدائی شواہد سے پتہ چلتا ہے کہ ڈاکٹر مدثر گل کو غیر ملکی جنگجو نے ’ممکنہ طور پر پار سے‘ کی ہدایت پر گولی مار کر ہلاک کیا۔ڈی آئی جی وسطی کشمیر سوجیت کمارنے مزیدکہاکہ تحقیقات سے پتہ چلتا ہے کہ عمارت کے مالک الطاف بٹ کو غیر ملکی جنگجونے حیدرپورہ تصادم کے دورن انسانی ڈھال بنایا تھا اور وہ کراس فائرنگ میں مارا گیا تھا۔ڈی آئی جی نے کہاکہ عامرماگرے ایک جنگجو تھا۔انہوںنے کہاکہ انکاؤنٹر کے مقام سے دو پستول اور چار میگزین برآمد ہوئے ہیں۔ڈی آئی جی وسطی کشمیر سوجیت کمارنے کہا کہ عمارت کے مالک کے اہل خانہ نے انہیں مناسب جواب نہیں دیا کہ کرایہ پر کون رہ رہا تھا، ان کا کرایہ ادا کرنے کا نظام کیا تھا، کرایہ نامہ وغیرہ۔انہوں نے کہاکہ الطاف کے اہل خانہ کی جانب سے کوئی تسلی بخش تفصیلات نہیں ہیں۔
حیدر پورہ انکاؤنٹر:انکوائری رپورٹ، حکومت کو موصول:محکمہ داخلہ
سری نگر//جموں و کشمیر کے محکمہ داخلہ نے منگل کو کہا کہ اسے حیدر پورہ انکاؤنٹر سے متعلق انکوائری رپورٹ موصول ہوئی ہے اور اسے متعلقہ جوڈیشل مجسٹریٹ کو بھیج دیا گیا ہے۔جے کے این ایس کے مطابق ایک بیان میں، محکمہ داخلہ نے کہا کہ ضلع مجسٹریٹ کو مشورہ دیا گیا ہے کہ وہ کوڈ آف کرمنل پروسیجر، 1973 کے سیکشن 190 کے تحت جوڈیشل مجسٹریٹ کو رپورٹ بھیجیں، جیسا کہ قانون کے تحت لازمی ہے۔بیان میں کہا گیا ہے کہ 15 اور 16 نومبر2021 کے درمیان حیدر پورہ میں فائرنگ کے واقعے سے متعلق حقائق اور حالات اور موت کی وجہ جاننے کے لیے ایک انکوائری اے ڈی ایم سری نگر کو کرانے کا حکم دیا گیا تھا۔قابل ذکر ہے کہ اس سال 15 اور 16 نومبر کی درمیانی رات سری نگر کے حیدر پورہ علاقے میں ایک مبینہ تصادم میں 4 افراد مارے گئے تھے۔
