جموں وکشمیر پبلک سروس کمیشن نےاسسٹنٹ رجسٹرار کوآپریٹیو سوسائٹیز اِمتحان 2021 کا اِنعقادکیا

سری نگر//جموںوکشمیر پبلک سروس کمیشن نے اسسٹنٹ رجسٹرار کوآپریٹیو سوسائٹیز اِمتحان 2021 کا اِنعقاد جموں اور سری نگر ایک سیشن میں کیا۔جموںوکشمیر پبلک سروس کمیشن نے اِمتحانات کے احسن اور منظم اِنعقاد کے لئے سیکورٹی اور فریکنگ کے لئے چار درجے کے وسیع اِنتظامات کئے تھے اور کووِڈ ۔19 پروٹوکول کی مناسب پابندی کو یقینی بنانے کے لئے تمام اِمتحانی مراکز کوصاف ستھرا کیا گیا تھا اور اُمید واروں کو یہ بھی کہا گیا تھا کہ اِمتحانی ہال میں داخل ہونے سے پہلے تھرمل سکیننگ سے گزریں۔کووِڈ ۔19 مناسب طرز عمل ( سی اے بی) کی اہمیت کو مد نظر رکھتے ہوئے اور کسی بھی تکلیف سے بچنے کے لئے تمام اُمید واروں کو ہدایت دی گئی کہ وہ کم از کم دوگھنٹے قبل اِمتحانی مقام پر رِپور ٹ کریں جس کے لئے پبلک سروس کمیشن نے پرنبٹ اور الیکٹرانک میڈیا کے ذریعے وسیع تشہیر کی تھی۔امتحان کیلئے مجموعی طور پر 30,729 اُمید وار اِمتحان دینے کے اہل تھے جن میں سے کُل19,370 اُمیدواروں نے پرچہ دیا ۔دونوں صوبوں کے تمام 73مراکز پر آج حاضری کی کل فیصد 63.03رہی۔اسسٹنٹ رجسٹرار کوآپریٹیو سوسائٹیز کے امتحان کو دو مراحل پر مشتمل ہے اور آج کا امتحان پہلا مرحلہ تھا جس کے بعد اِنٹرویو لیا جائے گا جس میں آج کے اِمتحان کے بعد شارٹ لسٹ کئے گئے اُمید وار شرکت کرنے کے اہل ہوں گے۔چیئرمین جموںوکشمیر پبلک سروس کمیشن نے جموںوکشمیر یوٹی اِنتظامیہ اور پولیس حکام کا ان کے تعاون کے لئے شکریہ اَدا کیا اور اِمتحانات کے اِنعقاد میں شامل مبصرین ، مجسٹریٹوں ، سپر وائزروں ، اِنویجلیٹروں اور معاون عملے کو بھی ان کی انتھک کوششوں کے لئے سراہا۔