وزیر اعلیٰ عمر عبداللہ نے نگروٹہ جموں کے قریب پیش آئے المناک سڑک حادثے پر گہرے دُکھ کا اِظہار کیا

سری نگر// وزیراعلیٰ عمر عبداللہ نے جموں ضلع کے نگروٹہ علاقے کے قریب پیش آئے المناک سڑک حادثے پر گہرے دُکھ کا اِظہار کیا ہے جس میں ہریانہ کے تین اَفراد جاں بحق اور دو دیگر زخمی ہوگئے ۔اُنہوں نے اَپنے تعزیتی پیغام میں سوگوار کنبوں کے ساتھ دِلی ہمدردی کا اِظہار کرتے ہوئے مرحومین کی ارواح کے اَبدی سکون کے لئے دُعا کی ۔اُنہوں نے حادثے میں زخمی ہوئے اَفراد کی جلد صحتیابی و شفایابی کے لئے بھی نیک خواہشات کا اِظہار کیا۔ وزیرِ اعلیٰ نے متعلقہ حکام کو ہدایت دی کہ زخمیوں کو بہترین ممکنہ طبی علاج اور نگہداشت فراہم کی جائے۔یہ حادثہ 13 اور 14؍ جون کی درمیانی شب جموں۔سری نگر قومی شاہراہ پر نگروٹہ کے جگتی کرلی علاقے کے قریب اس وقت پیش آیا جب ایک کار مسافر بس سے ٹکرا گئی۔ اِس حادثے میں ہریانہ کے تین باشندے جاں بحق ہوگئے جبکہ دو دیگرزخمی ہوئے۔وزیر اعلیٰ عمر عبداللہ نے سوگوار کنبوں کو اس ناقابلِ تلافی نقصان کو برداشت کرنے کی ہمت اور صبر کے لئے دُعا کی۔