وزیراعلیٰ عمرعبداللہ کا جے کے اے ایس آفیسر محمد یونس میر کے اِنتقال پر اِظہارِ تعزیت

سری نگر// وزیر اعلیٰ عمر عبداللہ نے نوجوان جے کے اے ایس آفیسر محمد یونس میر کے اِنتقال پر گہرے دُکھ کا اِظہار کیا ہے جو مختصر علالت کے بعد اِنتقال کر گئے۔محمد یونس میر 2019 بیچ کے جونیئر سکیل جے کے اے ایس آفیسر تھے اور اِس وقت محکمہ صنعت و حرفت میں اسسٹنٹ ڈائریکٹر ہینڈی کرافٹس و ہینڈلوم کے طور پر خدمات انجام دے رہے تھے۔وزیر اعلیٰ عمر عبداللہ نے اَپنے تعزیتی پیغام میں مرحوم آفیسر کے سوگوار اہلِ خانہ، رِشتہ داروں، دوستوں اور ساتھیوں سے دلی تعزیت کا اِظہار کیا اور دُعا کی کہ اللہ تعالیٰ انہیں اس ناقابلِ تلافی نقصان کو برداشت کرنے کی ہمت اور صبر عطا فرمائے۔وزیر اعلیٰ نے مرحوم کی روح کے ابدی سکون ، مغفرت اور بلند درجات کے لئے دُعا بھی کی۔