مردوں اور خواتین کے فل میراتھن ٹائٹل اپنے نام کر لئے
سرینگر/ْ یو این ایس / اتوار کو سرینگر میں منعقدہ کشمیر انٹرنیشنل میراتھن کے تیسرے ایڈیشن میں کینیا کے رنرز کناب کالوب اومولو اور لیمینسا ہارپا نے بالترتیب مردوں اور خواتین کے فل میراتھن کے خطاب جیت لیے۔تاہم، گجرات سے تعلق رکھنے والی کلسم اس ایونٹ کی نمایاں شخصیات میں شامل رہیں، جو اپنی گود میں ایک بچے کو اٹھا کر میراتھن میں دوڑتی نظر آئیں۔ایک اور شریکِ مقابلہ، اتر پردیش کے سہارنپور سے تعلق رکھنے والے شیوَم کمار نے بھی لوگوں کی توجہ حاصل کی۔ وہ دونوں بازوو ¿ں سے محروم ہونے کے باوجود میراتھن میں شریک ہوئے۔ان شرکائ کی شرکت نے اس کھیلوں کے ایونٹ کو ایک متاثر کن پہلو عطا کیا۔ اس میراتھن میں جموں و کشمیر، ملک کے دیگر حصوں اور بیرونِ ملک سے تعلق رکھنے والے رنرز نے حصہ لیا اور برداشت، جسمانی فٹنس اور کھیل کے جذبے کا مظاہرہ کیا۔مردوں کے فل میراتھن کے اوپن زمرے میں کناب کالوب اومولو نے پہلی پوزیشن حاصل کی، جبکہ ہیمنگٹن کینارو چیروب دوسرے اور جیکب کاباچولی تیسرے نمبر پر رہے۔خواتین کے فل میراتھن میں لیمینسا ہارپا نے پہلی پوزیشن حاصل کی، جبکہ شیرین جیمیلو دوسرے اور مونیکا وانجوہی تیسرے نمبر پر رہیں۔مردوں کا ہاف میراتھن کا نتیجہ یہ رہا ۔ پہلی پوزیشن: لیمے ٹیشونگ لیمنٹسو۔ دوسری پوزیشن: بارکو بایاسا باکالے۔ تیسری پوزیشن: سمبول ایرک کانگوسو۔خواتین کا ہاف میراتھن: پہلی پوزیشن: انکیتا۔ دوسری پوزیشن: ساہا ڈیسلن اڈانا۔ تیسری پوزیشن: ہیلن موٹینو میگنور۔ جموں و کشمیر کے مقامی فاتحین۔مردوں کا مقامی فل میراتھن: پہلی پوزیشن: کلبیر سنگھ، دوسری پوزیشن: وسیم احمد ڈار، تیسری پوزیشن: راگھو شرما۔خواتین کا مقامی فل میراتھن: پہلی پوزیشن: نیہا دیوی، دوسری پوزیشن: دیکشا تیسری پوزیشن: سلمیٰ بید ی ۔مردوں کا مقامی ہاف میراتھن: پہلی پوزیشن: محمد یاسین میر، دوسری پوزیشن: رجیت شرما، تیسری پوزیشن: پروین کمار۔خواتین کا مقامی ہاف میراتھن: پہلی پوزیشن: کیرتی دیوی، دوسری پوزیشن: ساکشی ٹھاکر۔ تیسری پوزیشن: شمشاد بانو1,807 رنرز نے میراتھن کے لیے رجسٹریشن کرائی تھی ۔کشمیر انٹرنیشنل میراتھن کے تیسرے ایڈیشن میں 42 کلومیٹر کی فل میراتھن اور 21 کلومیٹر کی ہاف میراتھن شامل تھی۔اس ایونٹ کے لیے مجموعی طور پر 1,807 رنرز نے آن لائن رجسٹریشن کرائی تھی۔ ان میں جموں و کشمیر سے تعلق رکھنے والے 1,221 شرکائ ، ملک کے دیگر حصوں سے 513 رنرز اور 12 ممالک کی نمائندگی کرنے والے 73 غیر ملکی کھلاڑی شامل تھے۔
