چیف سیکرٹری نے روہت شرما کے والد کی وفات پر تعزیت کا اظہار کیا

جموں//چیف سیکرٹری مسٹر اتل ڈولو نے جنرل ایڈمنسٹریشن ڈیپارٹمنٹ کے ایڈیشنل سیکرٹری مسٹر روہت شرما کے والد ڈاکٹر برہم دیو شرما کی وفات پر گہرے غم اور افسوس کا اظہار کیا ہے ۔ اپنے تعزیت نامے میں چیف سیکرٹری نے کہا کہ وہ ڈاکٹر برہم دیو شرما کی وفات کی خبر سُن کر بہت دکھی اور مغموم ہیں ۔ انہوں نے اس نقصان کو ناقابلِ تلافی قرار دیا اور کہا کہ ان کی وفات سے جو خلاء پیدا ہوا ہے اسے بھرنا انتہائی مشکل ہو گا ۔ چیف سیکرٹری نے اس غم کے لمحے میں روہت شرما اور ان کے سوگوار خاندان کے تمام افراد کو دل کی گہرائیوںسے تعزیت پیش کی ۔ انہوں نے دعا کی اللہ تعالیٰ اس خاندان کو اس عظیم صدمے کو ہمت، صبر اور استقامت کے ساتھ برداشت کرنے کی طاقت عطا فرمائے ۔ انہوں نے مرحوم کی روح کیلئے ابدی سکون اور جنت الفردوس کی بھی دعا کی ۔