پاکستانی رینجرس سے بھارتی چوکیوں کو نشانہ بنا کر شدید نوعیت کی گولہ باری اور ماٹر شلنگ کی ، بی ایس ایف اہلکار زخمی
سرینگر // پاکستان اور بھارت کے مابین طویل عرصہ تک جنگ بندی معاہدے پر عملدرآمد کے بیچ سکوت ٹوٹ گیا جس دوران پاکستانی رینجرس نے معاہدے کی خلاف ورزی کرتے ہوئے اکھنور سیکٹر میں بھارتی چوکیوں کو نشانہ بنا یا اور شدید نوعیت کی فائرنگ کی ۔ فائرنگ واقعہ میں ایک بی ایس ایف اہلکار زخمی ہونے کی اطلاعات موصول ہوئی ہے ۔ سی این آئی کے مطابق ہند پاک کے مابین سرحدوں پر سکوت ایک مرتبہ پھر ٹوٹ گیا جس دوران پاکستانی رینجرس نے بھارتی چوکیوں کو نشانہ بنا کر اشتعال انگیز فائرنگ کی ۔ بی ایس ایف کے مطابق جموں میں بین الاقوامی سرحد کے ساتھ اکھنور میں پاکستانی رینجرس کی طرف سے ہندوستانی چوکیوں اور شہری علاقوں کو نشانہ بناتے ہوئے بلااشتعال فائرنگ ہوئی اور یہ سلسلہ تقریباً ایک گھنٹے تک جاری رہا۔بی ایس ایف ترجمان نے بتایا کہ پاکستان رینجرس نے مارٹر فائر کیے اور بھاری مشین گنوں کا استعمال کیا۔ انہوں نے کہا کہ پاکستانی رینجرس کی جانب سے داغے گئے گولے شہری آبادی والے علاقوں میں گر گئے جس کے نتیجے میں وہاں خوف و ہراس کی لہر دوڑ گئی ۔ انہوں نے کہا کہ انہوں نے کہا کہ پاکستانی فائرنگ تقریباً ایک گھنٹے تک جاری رہی، جس کے نتیجے میں ایک بی ایس ایف اہلکار زخمی ہو گیا ۔بی ایس ایف ترجمان نے مزید کہا کہ بلا اشتعال فائرنگ کے آغاز کے بعد بی ایس ایف کے دستوں نے جوابی کارروائی کی اور اس کے بعد پاکستانی رینجرس نے متصل اس کی سرحدی چوکیوں کو نشانہ بنانے کیلئے اپنی فائرنگ کو بڑھایا، جس سے ان علاقوں میں اس کی اگلی دفاعی چوکیوں سے جوابی کارروائی کی گئی۔انہوں نے مزید بتایا کہ بی ایس ایف صورت حال کا جائزہ لیتے ہوئے پیشرفت پر گہری نظر رکھے ہوئے ہے اور سرحد اور اس کے رہائشیوں کی حفاظت اور حفاظت کو یقینی بنانے کیلئے ضروری جواب دینے کیلئے چوکنا رہتا ہے۔
