پانی کے معیار کی جانچ کرنے والی ٹیم نے ڈوڈہ ٹائون میں فلٹرپلانٹ کا معائینہ کیا

ڈوڈہ / /ضلع ترقیاتی کمشنر ڈوڈہ ہرویندر سنگھ کی ہدایت پرپانی کے معیار کی جانچ کرنے والی ٹیم نے ڈوڈہ ٹاؤن میں واٹر فلٹر پلانٹ کا دورہ کیا۔اِس دورے کا مقصد پینے کے پانی کے معیار کا جائزہ لینا اور ممکنہ آلودہ آلودگی یا خطرات کی نشاندہی کرنا تھا۔ ایگزیکٹیو اِنجینئر جل شکتی اِنجینئرسدیش کمار بھگت کی قیادت میں ٹیم نے پانی کی جانچ کے عمل کی باریک بینی سے نگرانی کی اور طے شدہ پروٹوکول کی تعمیل کو یقینی بنانے کے لئے لیبارٹری کے عملے کے ساتھ مصروف عمل رہے۔ٹیم کے ممبروں نے وضاحت کی کہ وہ ڈوڈہ، بھدرواہ اور ٹھاٹھری کے میونسپل دائرہ اِختیار میںپینے کے پانی کے تمام ذرائع کی نشاندہی کرنے کے لئے ذمہ دار ہیں۔اِس میں عوامی نل، بور ویل، آبی ذخائر اور نجی کنویں شامل ہیں۔ ٹیم نے فلٹر پلانٹ منچائن ڈوڈہ سے پانی کے نمونے اِکٹھے کئے اور مناسب ریکارڈ کی حفاظت اور ریگولیٹری معیارات کی تعمیل کو یقینی بنانے کے لئے تفصیلی تحویل کا سلسلہ برقرار رکھا۔ صحت کے کسی بھی ممکنہ خطرات کی نشاندہی کرنے کے لئے جامع ٹیسٹنگ کی جائے گی۔پانی کے معیار کا جائزہ لینے والی ٹیم میں عمر عنایت (وبائی امراض کے ماہر)، سنجیو رانا (آئی ،سی لیگل)، فیضان اے ترنبو (آئی،سی ڈسٹرکٹ میڈیا ڈیسک ہیلتھ ڈیپارٹمنٹ) اور شبیر احمد (اِنچارج سینٹری اِنسپکٹر) اور جل شکتی ڈیپارٹمنٹ کے دیگر اَفسران شامل تھے جو سی ایم او ڈاکٹر اوم کمار کی رہنمائی میں کام کررہا ہے۔اِن کی اِجتماعی مہارت اس بات کو یقینی بناتی ہے کہ یہ عمل تمام ریگولیٹری تقاضوں پر پورا اُترتا ہے اور جمع کردہ ڈیٹا عوامی صحت اور حفاظت کو برقرار رکھنے کے لئے قابل اعتماد ہے۔یہ دورہ پینے کے پانی کی حفاظت اور معیار کو یقینی بنانے کے لئے مقامی حکام کے عزم کو ظاہر کرتا ہے۔ یہ خطے میں صحت عامہ اور حفظان صحت کو فروغ دینے کے وسیع تر اقدام کا حصہ ہے۔