ناظم اطلاعات، ڈی آئی پی آر ملازمین کا سینئر صحافی اشوک پہلوان کے اِنتقال پر اِظہار تعزیت

سری نگر//ناظم اطلاعات وتعلقات عامہ اَکشے لابرو نے سینئر صحافی اشوک پہلوان کے اَچانک اِنتقال پر گہرے دُکھ کا اِظہار کیا ہے جن کا کل جموںمیں اِنتقال ہوا ہے۔اَپنے تعزیتی پیغام میں ناظم اطلاعات اَکشے لابرو نے کہا کہ ان کی وفات معاشرے کے لئے ایک بہت بڑا نقصان ہے کیوں کہ اُنہوں نے اَپنے صحافتی کام سے مقامی عوامی مسائل کی عکاسی میں نمایاں کردا ر اَدا کیا۔ناظم اطلاعات نے مرحوم کی روح کے اَبدی اور دائمی سکون کے لئے دعا کی اور سوگوار کنبے کے ساتھ یکجہتی اور ہمدردی کا اِظہار کیا ۔دریں اثنأ ، ڈی آئی پی آر کے ملازمین نے بھی اشوک پہلوان کے اِنتقال پر گہرے رنج و غم کا اِظہار کیا اور مرحوم کی روح کے ابدی سکون اور لواحقین کی ہمت اور صبر و جمیل کے لئے دعا کی۔