لیفٹیننٹ گورنر نے مہا شوراتری کے موقع پر عوام کو مبارکبادپیش کی

جموں//لفٹینٹ گورنر مسٹر منوج سنہا نے مہا شوراتری کے مقدس موقع پر ، جو کل 15 فروری کو منایا جائے گا ، عوام الناس کو دل کی گہرائیوں سے مبارکباد پیش کی ہے ۔ لفٹینٹ گورنر نے اپنے پیغام میں کہا ۔ ’’ مہا شوراتری کے موقع پر میں سب کو دل کی گہرائیوں سے مبارکباد اور نیک خواہشات پیش کرتا ہوں ، میں ہر شہری کی صحت ، خوشحالی اور خوشنصیبی کیلئے دعا گو ہوں ۔ یہ مقدس تہوار جسے کشمیری پنڈت برادری ’ ہیرتھ ‘ کے نام سے مناتی ہے ، ہماری روحانی روایت اور برادرانہ ہم آہنگی کی علامت ہے ۔ مہا شوراتری ہماری زندگی میں گہری اہمیت کی حامل ہے ۔ یہ مقدس تہوار ہمیں غور و فکر کرنے کا موقع دیتا ہے کہ بھگوان شو جو لازوال فضائل کی مثال ہیں ، ان پر غور کریں ۔ بھگوان شو کی تعلیمات عالمگیر خدمت کی ہیں ۔ یہ مقدس تہوار ہمیں یاد دلاتا ہے کہ ہر شخص کی ذمہ داری ہے کہ وہ اپنے طور پر انسانیت کی بھلائی میں حصہ ڈالے ۔ بھگوان شو ہم پر اپنی الٰہی برکتیں نازل فرماتے رہیں ۔ یہ تہوار آنے والے برسوں تک بھائی چارے کے رشتوں کو مضبوط کرے ۔ ہر ہر مہا دیو ۔ ‘‘