جاوید احمد ڈار نے حضرت حسین ؓ اور اُن کے رفقأ کو خراجِ عقیدت پیش کیا

سری نگر// وزیربرائے زراعت، دیہی ترقی و پنچایتی راج جاوید احمد ڈار نے حضرت امام حسین ؓ اور شہدائے کربلا کی عظیم قربانیوں کو خراجِ عقیدت پیش کیا۔اُنہوں نے اَپنے پیغام میں کہا کہ یہ دِن ہمیں یاد دلاتا ہے کہ حضرت امام حسین ؓاور ان کے جانثار ساتھیوں نے حق، اِنصاف اور راستبازی جیسے اعلیٰ اقدار کے تحفظ کے لئے اَپنی جانیں قربان کیں۔ اُنہوں نے کہا کہ اُن کی شہادت اِنسانیت کو عزتِ نفس اور اخلاقی اصولوں کی عظمت کا درس دیتی ہے۔وزیرموصوف نے مزید کہا کہ عاشورہ کا دن ہمیں مساوات، بھائی چارے، ہمدردی اور اِنصاف جیسے اصولوں سے تجدیدِ عہد کا موقع فراہم کرتا ہے جن کی عملی مثال حضرت امام حسین ؓ نے قائم کی۔اِس موقعہ پر وزیر موصوف نے دعا کی کہ آئیں ہم سب آج کے دن یہ عہد کریں کہ ایک پُرامن، منصفانہ اور مساوی معاشرے کی تعمیر کے لئے مل کر کام کریں گے۔