وزیر اعظم کی صدارت میں مرکزی کابینہ نے 309 کلومیٹر طویل نئی لائن منصوبے کی منظوری دی
سرینگر // ملک میں ریل رابطے کو مزید بڑھائوا دینے کیلئے مرکزی کابینہ نے 309 کلومیٹر طویل نئی لائن منصوبے کی منظوری دی ہے۔ سی این آئی کے مطابق وزیر اعظم نریندر مودی کی صدارت میں اقتصادی امور کی کابینہ کمیٹی نے ریلوے کی وزارت کے تحت نئے ریلوے لائن پروجیکٹ کو منظوری دے دی ہے جس کی کل لاگت 18,036 کروڑ ہے۔ اندور اور منماد کے درمیان مجوزہ نئی لائن براہ راست رابطہ فراہم کرے گی اور نقل و حرکت کو بہتر بنائے گی۔ بھارتی ریلوئے کیلئے بہتر کارکردگی اور خدمات کی بھروسے کی صلاحیت فراہم کرے گی۔ یہ پروجیکٹ وزیر اعظم نریندر مودی کے نئے ہندوستان کے وڑن کے مطابق ہے جو علاقے کے لوگوں کو اس علاقے میں جامع ترقی کے ذریعہ ’’آتم نربھر‘‘ بنائے گا جس سے ان کے روزگار/خود روزگار کے مواقع میں اضافہ ہوگا۔یہ پروجیکٹ ملٹی ماڈل رابطے کیلئے پی ایمگتی شکتی نیشنل ماسٹر پلان کا نتیجہ ہے جو مربوط منصوبہ بندی کے ذریعے ممکن ہوا ہے اور لوگوں، سامان اور خدمات کی نقل و حرکت کیلئے ہموار رابطے فراہم کرے گا۔یہ پروجیکٹ 2 ریاستوں کے 6 اضلاع کا احاطہ کرتا ہے یعنی مہاراشٹر اور مدھیہ پردیش ہندوستانی ریلوے کے موجودہ نیٹ ورک میں تقریباً 309 کلومیٹر کا اضافہ کرے گا۔اس پروجیکٹ کے ساتھ 30 نئے اسٹیشن تعمیر کیے جائیں گے، جس سے خواہش مند ضلع بروانی کو کنیکٹیویٹی میں اضافہ ہوگا۔پروجیکٹ جے این پی اے کے گیٹ وے پورٹ اور دیگر ریاستی بندرگاہوں سے پتھم پور آٹو کلسٹر (90 بڑے یونٹس اور 700 چھوٹی اور درمیانی صنعتوں( کو براہ راست رابطہ فراہم کرے گا۔ یہ پروجیکٹ مدھیہ پردیش کے باجرا پیدا کرنے والے اضلاع اور مہاراشٹر کے پیاز پیدا کرنے والے اضلاع کو بھی براہ راست رابطہ فراہم کرے گا جو ملک کے شمالی اور جنوبی حصوں میں اس کی تقسیم میں مزید سہولت فراہم کریگا۔
