کولگام سڑک حادثہ منوج سنہا کا اظہار غم

سری نگر//لیفٹیننٹ گورنر منوج سِنہانے آج کولگام میں پیش آ ئے المناک سڑک حادثے پر گہرے دُکھ کا اِظہار کیا ہے جس میں پنجاب کے چار باشندوں کی جانیں چلی گئیں اور تین دیگر زخمی ہو گئے۔لیفٹیننٹ گورنر نے اَپنے ایک تعزیتی پیغام میں کہاکہ آج کولگام میں ایک بدقسمت سڑک حادثے میں قیمتی جانوں کے ضیاع کے بارے میں جان کر مجھے بہت دکھ اور افسوس ہوا ہے۔اُنہوں نے سوگوارکنبوںکے ساتھ ہمدردی اور تعزیت کا اِظہار کیا ہے۔اُنہوں نے زخمیوں کی جلد صحتیابی و شفایابی کے لئے دعا کی ہے۔ لیفٹیننٹ گورنر نے ضلعی اِنتظامیہ کو ہدایت دی ہے کہ وہ متاثرہ کنبوں کو قانون کے مطابق تمام ضروری مدد فراہم کی کرے۔