گاندربل //ضلع ترقیاتی کمشنرگاندربل شیامبیر نے 14ویں سینئر نیشنل سافٹ بال کرکٹ چمپئن شپ2023-2024 ء میں شرکت کرنے کے لئے لڑکوں اور لڑکیوں کی سافٹ بال ٹیموں کو ہری جھنڈی دِکھا کر روانہ کیا۔چمپئن شپ 9 ؍جنوری سے 13 ؍جنوری تک اُترپردیش کے جونپور میں منعقد ہوگی۔ضلع ترقیاتی کمشنر گاندربل نے طلبأکے ساتھ خوشگوار بات چیت کرتے ہوئے چمپئن شپ کی کامیابی کے لئے نیک خواہشات کا اِظہار کیا۔اُنہوں نے ٹیموں کی صلاحیتوں پر اعتماد کا اِظہار کیا اور مقابلے اور دوستی کے جذبے کو فروغ دینے میں کھیلوں کی اہمیت پر زور دیا۔ضلع ترقیاتی کمشنر نے گاندربل کے کھیلوں کے شائقین بالخصوص لڑکیوں کے کھلاڑیوں کو ہر ممکن تعاون اور مدد کی یقین دہانی کی۔اُنہوں نے نچلی سطح پر کھیلوں کو فروغ دینے کی اہمیت کو تسلیم کرتے ہوئے ضلع میں کھیلوں کے ٹیلنٹ کی ترقی کی حوصلہ افزائی اور سہولیت فراہم کرنے کا اعادہ کیا۔اِس دستے کی قیادت جنرل سیکرٹری جموں و کشمیر سافٹ بال کرکٹ ایسوسی ایشن اور جوائنٹ سیکرٹری سافٹ بال کرکٹ فیڈریشن آف اِنڈیا کر رہے ہیں۔ ان کی قیادت اس بات کو یقینی بناتی ہے کہ ٹیمیں اچھی طرح سے تیار ہوں اور سپورٹس مین شپ اور منصفانہ کھیل کے جذبے کی نمائندگی کریں۔قومی چمپئن شپ میں یہ شرکت نہ صرف کھلاڑیوں کی لگن اور مہارت کو اُجاگر کرتی ہے بلکہ کھیلوں کے فروغ کے لئے ضلع گاندربل کے عزم کو بھی ظاہر کرتی ہے۔
