انجینئروں کی کاوشوں سے ہی ملک کی ترقی کاپہیہ رواں دواں :لیفٹنٹ گورنر منوج سنہا
سری نگر//بھارت میں جمعہ کو انجینئروں کاقومی دن منایاگیا۔یہ دن بھارت رتن ایوارڈ یافتہ ایم ویشورایاکے یوم پیدائش کے موقعہ پراُن کی یادمیںہرسال15ستمبر کومنیاجاتاہے ،وہ 15ستمبر1861 میں پیدا ہوئے۔جے کے این ایس کے مطابق وزیر اعظم نریندر مودی نے جمعہ کو انجینئروں کو مبارکباد دیتے ہوئے کہا کہ انجینئروں کے اخترا عی ذہن اور انتھک لگن ہمارے ملک کی ترقی میں ریڑھ کی ہڈی کی حیثیت رکھتی ہے۔انہوںنے کہاکہ انجینئرز ڈے پر ان کو خراج تحسین پیش کیا گیا، جو کہ انجینئر اور ایڈمنسٹریٹر ایم ویشورایا کی یاد میں ان کے یوم پیدائش کے موقع پرمنایا جاتا ہے۔وزیراعظم مودی نے Xپرایک پوسٹ میں لکھاکہ انجینئرز ڈے پر تمام محنتی انجینئروں کو سلام! ان کے اختراعی ذہن اور انتھک لگن ہمارے ملک کی ترقی میں ریڑھ کی ہڈی کی حیثیت رکھتی ہے۔ بنیادی ڈھانچے کے عجائبات سے لے کر ٹیک کامیابیوں تک، ان کی شراکت ہماری زندگی کے ہر پہلو کو چھوتی ہے۔وزیر اعظم نے کہا کہ وہ نسلوں کو اختراع کرنے اور قوم کی خدمت کرنے کی ترغیب دیتے رہتے ہیں۔ادھر جموں وکشمیر کے لیفٹنٹ گورنرمنوج سنہا نے بھی انجینئر زڈے پرایک پیغام جاری کیا۔انہوںنے Xپرایک پوسٹ میں کہاکہ انجینئرز ڈے پر مبارکباد اور بصیرت والے انجینئرز کو ان کے عزم اور اختراعی صلاحیتوں کے لیے نیک تمنائیں جو قوم کی تعریف کے مستحق ہیں۔ یہ ان کی سرشار کوششیں ہیں جو ہندوستان کی ترقی کے پہیے کو رواں دواں رکھتی ہیں۔ سر ایم ویشورایا کو ان کی یوم پیدائش پر خراج عقیدت۔
